Futbol internazzjonali
Kampjonat Premier Ingliż: Chelsea miżmuma draw minn Burnley, b’tal-aħħar kważi ċerti minn post fil-Premier

Fl-Ingilterra, Chelsea laħqu lit-Tottenham Hotspur fil-klassifika meta għandhom logħba aktar, wara li lbieraħ filgħaxija huma spiċċaw fi draw ta’ 2-2 kontra Burnley. Dan jista’ jitqies bħala draw diżappuntanti għaċ-Chelsea fi Stamford Bridge meta għadhom qegħdin jiġġieldu għall-aħħar żewġ postijiet tal-UEFA Champions League fl-istaġun li ġej. Fil-fatt kienu Burnley li fetħu l-iskor wara 8 minuti logħob, meta bi ġmiel ta’ first timer, Jeff Hendrick spara fix-xibka mid-distanza għal 1-0. Reazzjoni immedjata miċ-Chelsea, meta fit-12-il minuta huma ġabu l-iskor indaqs. Kien Hazard li għadda l-ballun lejn N’Golo Kante li b’xutt tajjeb ċentrali tefa’ fix-xibka għal 1-1. Burnley dehru maħsuda, u l-Blues approfittaw, tant li fl-14-il minuta marru għall-ewwel darba fil-vantaġġ. Kien Gonzalo Higuain li rċieva l-ballun u minn qagħda ideali ma żbaljax biex għamilhom 2-1. Bil-partitarji warajhom, Chelsea dehru li setgħu jamministraw il-logħba, imma Burnley ma qatgħux qalbhom u fl-24 minuta ġabu l-iskor indaqs. Kien Wood li bir-ras indirizza l-ballun fid-direzzjoni ta’ Ashley Barnes li b’daqqa ta’ ras oħra ma żbaljax biex għamel l-iskor 2-2.

Fit-tieni taqsima Chelsea għamlu dak kollu li setgħu sabiex jippruvaw jirbħu dan il-konfront, imma quddiemhom sabu r-ras iebsa tat-tim ta’ Burnley, u b’dan id-draw, tal-aħħar huma kważi ċerti li ser isalvaw posthom fil-Premier Ingliż, għax meta fadal tliet logħbiet għal tmiem l-istaġun huma jinsabu 9 punti ‘l bogħod mit-18-il post tal-klassifika, li jfisser relegazzjoni għaċ-Championship.

Illejla titkompla l-35 ġurnata tal-istaġun b’żewġ logħbiet:

20:45 Tottenham H. – Brighton
20:45 Watford – Southampton

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Il-plejer ta’ Sporting Lisbon, Bruno Fernandes, jista’ jagħti l-każ li xorta jħalli lit-tim Portugiż sa tmiem dan is-suq tat-trasferimenti. Wara d-diżappunt li la rnexxielu jingħaqad ma’ Manchester United u lanqas…

Futbol internazzjonali

Daniel Sturridge ngħaqad mat-tim Tork ta’ Trabzonspor b’kuntratt ta’ 3 snin. L-ex Liverpool ħabbar dan fuq il-paġna tiegħu ta’ Twitter l-Erbgħa waranofsinhar fejn ser ikun qiegħed jaqla’ paga ta’ madwar…

Futbol internazzjonali

Roma mistennija jiffirmaw lid-difensur laterali Davide Zappacosta fis-sigħat li ġejjin. Dan wara li l-istess klabb, permezz tal-paġna ta’ Twitter, tella’ ritratti fejn indika li Zappacosta jinsab f’Ruma. Il-plejer Taljan ingħaqad…

Futbol internazzjonali

Il-midfielder Franċiż Franck Ribery huwa mistenni jingħaqad ma’ Fiorentina fis-sigħat li ġejjin wara li d-diskussjonijiet bejn il-klabb u l-plejer jinsabu fi stadju avvanzat. Fil-preżent Ribery huwa plejer liberu wara li…

Aktar