Futbol internazzjonali
Kampjonat Premier Ingliż: David Moyes jerġa’ jinħatar manager ta’ West Ham

West Ham keċċew lill-manager Manuel Pellegrini wara t-telfa tas-Sibt kontra Leicester City. Il-Hammers ma tantx damu bla manager għaliex ftit sigħat wara, f’inqas minn 24 siegħa, huma reġgħu ħatru lil David Moyes bħala manager tagħhom b’kuntratt ta’ sena u nofs. Moyes, li għandu 56 sena, reġa’ rritorna mal-Hammers wara li fl-istaġun 2017/18 kien irnexxilu jsalva lill-klabb milli jiġi relegat f’temp ta’ sitt xhur. Jidher li Moyes għandu l-istess missjoni issa, għaliex fil-preżent West Ham jinsabu fis-17-il post tal-klassifika, punt biss fuq iż-żona tar-relegazzjoni.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA