Futbol internazzjonali
Kampjonat Premier Ingliż: Dro bejn Manchester UTD u Arsenal, filwaqt li Liverpool iżommu l-pass mas-City

Manchester UTD 2  Arsenal 2

Dro f’Old Trafford bejn Manchester UTD u Arsenal, meta kien Mustafi li fetaħ l-iskor mas-26 minuta għall-Gunners. Ir-Red Devils ġabu l-iskor indaqs permezz ta’ Martial man-nofs siegħa logħob, imma Arsenal reġgħu marru minn fuq fit-68 minuta b’gowl ta’ Lacazette. Biss dal-vantaġġ damu jgawduh biss minuta għaliex Lingard irnexxielu jiskorja u għamel ir-riżultat finali 2-2.

Burnley 1  Liverpool 3

Liverpool żammew il-pass ma’ Manchester City fin-naħa ta’ fuq tal-klassifika meta marru għand Burnley u rebħulhom bl-iskor ta’ 3-1. Il-gowls kollha kienu skurjati fit-tieni taqsima, b’Burnley jiftħu l-iskor b’gowl ta’ Cork fl-54 minuta. Dan il-vantaġġ damu jgawduh tmien minuti,għaliex fit-62 minuta Milner ġab id-dro għal-Liverpool, imbagħad Firmino poġġa għall-ewwel darba lir-Reds minn fuq fid-69 minuta. Shaqiri għalaq il-logħba mal-ewwel minuta fuq il-ħin regolamentari meta skorja t-tielet għal riżultat finali ta’ 3-1, biex b’hekk Liverpool reġgħu telgħu żewġ punti taħt Manchester City.

Tottenham H. 3  Southampton 1

Tottenham qabżu fit-tielet post tal-klassifika meta f’Wembley għelbu lil Southampton bl-iskor ta’ 3-1. Huma fetħu tliet gowls vantaġġ, l-ewwel wara 9 minuti permezz ta’ Kane, imbagħad Moura għamilhom 2-0 fil-51 minuta, filwaqt li Son skorja t-tielet fil-55 minuta. Is-Saints skurjaw il-gowl tal-bandiera fid-90 minuta permezz t’Austin.

Wolves 2  Chelsea 1

Telfa xejn mistennija għand Chelsea meta maruu għand Wolves u tilfu bl-iskor ta’ 2-1, biex issa t-tim minn Londra niżlu fir-raba’ post tal-klassifika. Kien Loftus-Cheek li fetaħ l-iskor għal Chelsea fit-18-il minuta, imma fit-tieni taqsima Wolves wettqu reazzjoni u Jimenez ġab id-dro mas-siegħa logħob, filwaqt li Jota skorja erba’ minuti wara biex għamel ir-riżultat 2-1 favur Wolves.

Everton 1  Newcastle UTD 1

Dro f’Goodison Park bejn Everton u Newcastle UTD, bit-Toons jiftħu l-iskor fid-19-il minuta permezz ta’ Rondon. Fit-38 minuta Richarlison irnexxielu jġib id-dro għall-Everton u hekk baqgħu sat-tmiem, 1-1.

Fulham 1  Leicester 1

Dro fi Craven Cottage bejn Fulham u Leicester, b’Kamara jiftaħ l-iskor għall-Fulham ftit qabel il-mistrieħ. Leicester irnexxilhom jagħmlu l-iskor indaqs fl-74 minuta meta Maddison sab ix-xibka biex għamel ir-riżultat finali 1-1.

 

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

It-timijiet ta’ Manchester City, kemm tal- irgiel kif wkoll tan-nisa għamel diversi żjarat fi sptarijiet madwar il-belt, inkluż l-isptar tat-tfal. Pep Guardiola qatta ġurnata sħiha jiltaqa’ ma żgħażagħ u tfal…

Futbol internazzjonali

Wara l-logħba tal-bieraħ tal-UEFA Europa League bejn Vidi u Chelsea li ntemmet 2-2, il-klabb Ingliż wiegħed li ser jieħu l-azzjonijiet kollha possibbli kontra l-partitarji li ser jinqabdu li kantaw lirika…

Futbol internazzjonali

Il-President tal-FIFA, Gianni Infantino, qal li l-maġġoranza tal-federazzjonijiet tal-futbol madwar id-dinja huma favur li t-Tazza tad-Dinja li ser issir fil-Qatar fl-2022 jipparteċipaw fiha 48 tim. S’issa, fit-Tazza tad-Dinja kienu jipparteċipaw…

Futbol internazzjonali

UEFA EUROPA LEAGUE 2018/19 Riżultati minn Match Day 6 Logħbiet tad-9pm Magħruf il-kwadru komplet tal-24 team li kkwalifikaw mill-fażi tal-gruppi tal-UEFA Europa League li għamluha għar-rawnd li jmiss hekk kif…

Aktar