Futbol internazzjonali
Kampjonat Premier Ingliż: Liverpool jirbħu d-derby ta’ Merseyside, ritorn xejn feliċi għal Mourinho f’Old Trafford

Liverpool 5   Everton 2

Liverpool rebħu d-derby ta’ Merseyside meta f’Anfield għelbu lil Everton bl-iskor ta’ 5-2. Ir-Reds fetħu żewġ gowls vantaġġ permezz t’Origi u Shaqiri, b’Keane jnaqqas id-distakk fil-21 minuta. Origi u Mane skurjaw tnejn oħra sal-45 minuta, b’Richarlison inaqqas id-distakk għal darb’oħra eżatt qabel tmiem l-ewwel taqsima għal 4-2. It-tieni taqsima kienet xotta mill-gowls, bl-aħħar wieħed ta’ Liverpool jasal minn Wijnaldum fid-90 minuta.

Manchester UTD 2   Tottenham H. 1

Il-manager José Mourinho ma tantx kellu ritorn tajjeb f’Old Trafford meta mat-tim il-ġdid tiegħu ħareġ tellief bl-iskor ta’ 2-1. Doppjetta ta’ Rashford kienet biżżejjed għar-Red Devils, meta fetaħ l-iskor wara 6 minuti, imbagħad reġa’ skorja ieħor fid-49 minuta minn penalty. Dele Alli kien għamel l-iskor indaqs fid-39 minuta, imma wara t-tieni gowl ta’ Rashford l-Ispurs ma kellhomx risposta u ħarġu telliefa.

Leicester 2   Watford 0

Leicester City żammew il-pass fin-naħa ta’ fuq tal-klassifika meta fil-King Power Stadium għelbu lil Watford 2-0. Il-gowls waslu t-tnejn fit-tieni taqsima, l-ewwel permezz tal-penalty ta’ Vardy fil-55 minuta, imbagħad Maddison għalaq il-logħba fil-ħames minuta fuq il-ħin regolamentari bit-tieni gowl.

Chelsea 2   Aston Villa 1

Gowl f’kull taqsima kienu biżżejjed għal Chelsea biex għelbu lil Aston Villa fi Stamford Bridge 2-1. Abraham fetaħ l-iskor għal Chelsea fl-24 minuta, b’Trezeguet jagħmel l-iskor indaqs fil-41 minuta. Mount skorja l-gowl tar-rebħa għall-Blues fit-48 minuta.

Southampton 2   Norwich 1

Southampton fetħu żewġ gowls vantaġġ fl-ewwel taqsima, b’Ings u Bertrand isibu x-xibka biex poġġew lis-Saints 2-0 minn fuq sal-ewwel 45 minuta. Fit-tiena taqsima Norwich naqqsu d-distakk b’gowl ta’ Pukki fil-65 minuta.

Wolves 2   West Ham 0

Gowls ta’ Dedoncker u Cutrone taw rebaħ lil Wolves fuq West Ham bl-iskor ta’ 2-0. Dendocker skorja fit-23 minuta filwaqt li Cutrone sab ix-xibka fis-86 minuta.

Il-Ħamis filgħaxija jintlagħbu l-aħħar żewġ logħbiet mill-15-il ġurnata tal-Kampjonat Premier Ingliż:

20:30 Sheffield UTD – Newcastle UTD

21:15 Arsenal – Brighton

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

L-ex goalkeeper ta’ Real Madrid u Spanja Iker Casillas ħabbar li rtira mill-futbol. Il-goalkeeper li rebaħ żewġ Kampjonati Ewropej u Tazza tad-Dinja rtira fl-età ta’ 39 sena. Casillas kien ilu…

Futbol internazzjonali

Fulham irritornaw għall-Premier League wara li rebħu lil Brentford 2-1 f’Wembley Stadium. Joe Bryan kien l-eroj għal Fulham meta skorja darbtejn fil-ħin barrani. Sad-90 minuta l-iskor kien għadu 0-0 u…

Futbol internazzjonali

Il-winger ta’ Borussia Dortmund Jadon Sancho ftiehem ma’ Manchester United dwar il-paga li ser jaqla’ f’Old Trafford. Iż-żagħżugħ t’20 sena għamilha ċara ma’ Dortmund li jixtieq jirritorna l-Ingilterra matul dan…

Aktar