Futbol internazzjonali
Kampjonat Premier Ingliż: Manchester City jsaħħu posthom fil-quċċata b’rebħa ta’ 2-1 għand Watford

Watford 1  Manchester City 2

Manchester City għamlu ċert li jżommu posthom fil-quċċata tal-klassifika wara l-15-il ġurnata tal-Kampjonat Premier meta marru għand Watford u rebħulhom bl-iskor ta’ 2-1. L-ewwel gowl wasal minn Sane fl-40 minuta, b’Mahrez jirdoppja fil-51 minuta. Watford naqqsu d-distakk ħames minuti mit-tmiem b’gowl ta’ Doucoure għal riultat finali ta’ 2-1 favur is-City.

Bournemouth 2  Huddersfield 1

Tliet gowls skurjati fl-ewwel 45 minuta ddeċidew dan il-konfront favur it-tim ta’ Bournemouth meta kienu huma stess li fetħu l-iskor mal-5 minuta permezz ta’ Wilson. Fraser irdopjja mat-22 minuta sakemm Kongolo naqqas id-distakk fit-38 minuta u baqgħu 2-1 sat-tmiem.

Brighton 3  Crystal Palace 1

Brighton telgħu f’nofs il-klassifika tal-Premier Ingliż meta laqgħu għandhom lill-Crystal Palace u rebħulhom bl-iskor ta’ 3-1. Murray fetaħ l-iskor għall-Brighton fl-24 minuta minn penalty, imma mat-28 minuta l-istess tim spiċċaw jilagħbu bi plejer inqas meta Duffy tkeċċa b’karta ħamra diretta. Għalkemm bi plejer inqas, mal-31 minuta Balogun skorja t-tieni għall-Brighton u Andone skorja t-tielet eżatt qabel il-mistrieħ bit-tim tal-Palace ma jafx fejn ser jaqbad jagħti rasu. Għalkemm Milivjovic skorja l-gowl tal-bandiera minn penalty fil-81 minuta, ma kienx fadal ħin biżżejjed biex il-Palace iwettqu reazzjoni b’saħħitha u bi plejer aktar xorta waħda ħarġu telliefa.

West Ham 3  Cardiff 1

Erba’ gowls skurjati fit-tieni taqsima għamlu din il-logħba interresanti ħafna, bit-tim ta’ West Ham jiftħu tliet gowls vantaġġ. Perez skorja darbtejn, l-ewwel fid-49 imbagħad fil-55 minuta, sakemm Antonio skorja t-tielet mas-siegħa logħob. Dawk il-11-il minuta eċċellenti swewhom mitluq deheb lill-West Ham, għaliex Cardiff kulma rnexxilhom jagħmlu kien li jiskurjaw gowl wieħed permezz ta’ Murphy fid-90 minuta.

Illejla titkompla l-ħmistax-il ġurnata tal-Kampjonat Premier Ingliż b’dawn il-logħbiet:

20:45  Burnley – Liverpool

20:45  Everton – Newcastle

20:45  Fulham – Liecester

20:45  Wolves – Chelsea

21:00  Manchester UTD – Arsenal

21:00  Tottenham H. – Southampton

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

L-ex stilla Arġentin Diego Armando Maradona kien imwaqqaf l-ajruport ta’ Buenos Aires u aktar tard kien arrestat wara li l-ex maħbuba tiegħu qiegħda tfittxu bil-Qorti. Rapporti li ħerġin mill-Arġentina qegħdin…

Futbol internazzjonali

Tkompli tikber il-probabilità li Antonio Conte jinħatar kowċ t’Inter matul il-ġimgħa d-dieħla, ftit tal-jiem wara li jintemm dan l-istaġun. Inter mistennija jilagħbu l-aħħar logħba tal-istaġun 2018/19 nhar il-Ħadd li ġej…

Futbol internazzjonali

Id-deċiżjoni hija finali. L-edizzjoni tat-Tazza tad-Dinja 2022 ser tkun bi 32 tim. Id-deċiżjoni kienet komunikata mill-FIFA fejn intqal li wara konsultazzjoni wiesgħa u komprensiva, ġie konkluż li fiċ-ċirkostanzi preżenti, il-proposta…

Futbol internazzjonali

Wara t-tmiem tal-Bundesliga fejn Borussia Dortmund spiċċaw fit-tieni post tal-klassifika, huma ma ħlewx ħin sabiex jibdew isaħħu l-iskwadra għall-istaġun li ġej għaliex fi ftit sigħat ħabbru tliet trasferimenti. L-ewwel trasferiment…

Aktar