Sport Lokali
Karate: Ħdax-il Midalja tad-Deheb għall-Maltin fil-kampjonati tal-Ingilterra

38 atleta f’età bejn is-6 u s-17-il sena, irrappreżentaw lill-Malta Karate Federation f’kampjonati tal-karate li seħħew f’Penrith, fl-Ingilterra, il-Ħadd 10 ta’ Marzu.

‘Il fuq minn 400 atleta mill-Ingilterra, Malta, Skozja u Wales ħadu sehem kemm fil-Kata kif ukoll fil-Kumite, fejn it-tim Malti kiseb 11-il midalja tal-ewwel post, 10 tat-tieni u 20 tat-tielet.

Il-kowċis nazzjonali Joe Tanti, Josef Antonelli, Joseph Mizzi u Tyler Tanti, li huma kwalifikati bħala kowcis mill-World Karate Federation, kienu mal-atleti.

“Dan hu riżultat eċċellenti fejn intrebħu ammont sostanzjali ta’ Midalji tad-Deheb.  Il-viżjoni tagħna hi li nibqgħu nibnu fuq l-atleti promittenti tagħna billi nipprovdu l-ogħla livell ta’ taħriġ fil-Kata u fil-Kumite.  Dan waqt li nkomplu naħdmu flimkien mal-istaff tekniku u l-kowċis biex nagħtu l-appoġġ meħtieg lill-atleti tagħna,” qal Sensei Jesmond Schembri, id-Direttur Tekniku tal-Malta Karate Federation.

Sensei Schembri żied jgħid li barra minn hekk dan ir-riżultat hu wieħed importanti ħafna speċjalment fl-iżviluppi li għaddejjin bħalissa biex il-karate jiġi nkluż fil-Logħob tal-Pajjiżi ż-Żgħar tal-2023.

“Nixtiequ nirringrazzjaw lil Sportmalta u lill-MOC għall-appoġġ kontinwu,”  temm jgħid Sensei Schembri.

Miktub minn...
TVM Sport
Aħbarijiet Oħra
Ċikliżmu

Fil-11-il stadju tal-Giro d’Italia, l-Awstraljan Caleb Ewan kellu sprint mill-aqwa biex ħareġ rebbieħ quddiem il-Franċiż Arnaud Demare. L-Awstraljan t’24 sena rebaħ it-tieni stadju personali f’dan il-Giro, wara li kien rebaħ…

Żwiemel

Bejn l-24 u l-31 ta’ Mejju fl-Isvezja ser ikun qed isir il-Kampjonat Dinji għal sewwieqa professjonali bis-serkin fejn Malta ser tkun irrappreżentata minn Rodney Gatt li s-sena l-oħra irnexxielu jkun…

Ċikliżmu

Il-Franċiż Arnaud Demare rebaħ l-għaxar stadju tal-Giro d’Italia, l-ewwel rebħa f’din it-tellieqa fil-karriera tiegħu. Id-distanza kienet ta’ 145 kilometru minn Ravenna. It-Taljan Elia Viviani daħal fit-tieni post filwaqt li l-Awstraljan…

Motorsport

Id-dilettanti tal-motorsport, b’mod speċjali dawk kollha dilettanti tal-Hillclimb huma preparati biex fi tmiem il-Ġimgħa jaqsmu lejn Għawdex biex isegwu it-tielet round tal-kampjonat Enemed Hillclimb Championship li qiegħed jiġi organizzat mill-Island…

Aktar