Oħrajn
Karate: League Nazzjonali tal-Karate Solidarjetà bl-Isports 2018

Aktar minn 200 atleta bejn il-ħames u t-tmintax-il sena ħadu sehem fil-League Nazzjonali tal-Karate li sar fl-Iskola Nazzjonali tal-Isports, Pembroke nhar is-Sibt 21 u l-Hadd 22 ta’ April 2018.

Permezz ta’ dan l-avveniment, il-Malta Karate Federation iffurmat parti mill-inizzjattiva Solidarjetà bl-Isports fejn donazzjonijiet inġabru u ngħataw lill-Fondazzjoni Malta Community Chest Fund.

Kenneth Abela, President tal-Malta Karate Federation qal li r-rispett u l-inklussività jinsabu fil-qalba tal-filosofija tal-Malta Karate Federation fejn jiġu pprattikati dawn il-valuri permezz tal-isport tagħna.  Abela qal ukoll li hu ta’ unur li naraw lil Nick Mercieca jikber fl-isport tal-Karate minkejja l-limitazzjonijiet fiżiċi tiegħu.

L-Eċċellenza Tagħha Marie Louise Colejro Preca inaugurat dan l-avveniment u indirizzat lill-pubbliku preżenti fiċ-ċerimonja tal-ftuħ.

Is-Sur Abela kkonkluda billi rringrazzja lill-Maltese Olympic Committee kif ukoll lil Sportmalta għall appoġġ kontinwu.

Miktub minn...
TVM Sport