Kickboxing
Kickboxing: Diane Schembri lura f’pajjiżna wara li rrappreżentat lil Malta f’Bedzin, fil-Polonja fil-kompetizzjoni ‘Girl Power 8’

Il-kickboxer Maltija Diane Schembri minn Ying Yang Team Noel irritornat lura pajjiżna ftit tal-jiem ilu wara li rrappreżentat lil Malta ġewwa Bedzin, il-Polonja fil-kompetizzjoni ‘Girl Power 8’.

Wara li telgħu l-poloz, Schembri bdiet din il-kompetizzjoni b’taqbida kontra Olga Gavrish f’isem l-Ukrajina. L-atleta Maltija uriet dominanza assoluta mill-ewwel ftit sekondi tal-bawt fejn bdiet tolqot lill-avversarja tagħha b’daqqiet preċiżi u effettivi. Dan kollu wassal biex eventalment, Schembri rebħet b’knockout fl-ewwel rawnd.

Wara din ir-rebħa, Schembri avvanzat għas-semi finali kontra l-atleta professjonali Taljana Victoria Di Mauro. Għal darb oħra, Diane tat prestazzjoni mill-aqwa kontra din il-ġellieda professjonali. Il-ġurija tat ir-rebħa lil Di Mauro, l-istess atleta li eventwalment rebħet il-finali u ġiet inkurunata t-titlu prestiġjuż ‘WKN Championship Girl Power Belt’

Ta min ifakkar li din il-ġimgħa Keith ‘Speed’ Azzopardi ser ikun qiegħed jissielet għal titlu ieħor ġewwa Nice, Franza.

 

Miktub minn...
TVM Sport
Aħbarijiet Oħra
Kickboxing

Il-Ħadd li għadda seħħ għal darboħra il-grading tal-kickboxing mtella’ mill-World Kickboxing Network u Malta Kickboxing Association sabiex numru sostanzjali ta’ studenti tal-arti marzjali setgħu jirċievu ċ-ċintorin rispettiv li tant stinkaw…

Kickboxing

Aktar suċċessi għaż-żewġ kompetituri professjonali ta’ Team Noel Kickboxing Club waqt is-serata ‘Centurion MMA Malta Reciliance’ li ġiet imtella’ nhar is-Sibt 26 ta’ Ottubru. Keith ‘Speed’ Azzopardi u Samuele Andolina…

Kickboxing

Wara biss ġimagħtejn fejn l-atleta Keith ‘Speed’ Azzopardi ġie nkurunat champion tad-dinja fi Franza, huwa reġa’ kkompeta għal titlu mondjali ieħor din id-darba fil-K1, fil-padiljun sportiv ta’ Kordin. Azzopardi ħabbatha…

Aktar