Kickboxing
Kickboxing: Iċ-Champion Dinji Giorgio Petrosyan jgħallem atleti Maltin f’pajjiżna

Mal-120 atleta minn diversi klabbs tal-kickboxing f’Malta ngħaqdu taħt saqaf wieħed, fejn kellhom l-opportunità jitgħallmu mingħand iċ-champion dinji attwali tal-K1, Giorgio Petrosyan.

Petrosyan, li kien iddikjarat K1 World Max Champion darbtejn, ġie f’Malta għall-ewwel darba fuq stedina ta’ Master Noel Mercieca.

Waqt is-seminar, li sar is-Sibt 12 ta’ Mejju fil-gym tal-iskola Jeanne Antide f’Ħal Tarxien, Petrosyan wera lill-atleti Maltin tekniki importanti li jintużaw fil-K1 rules u l-Muay Thai, inkluż punches, kicks, footwork, u leg grabs.

Wara li osserva lill-atleti Maltin waqt it-taħriġ, Petrosyan qal li l-livell ta’ diversi atleti Maltin huwa wieħed għoli, u tenna li hija ħasra li f’pajjiżna għad għandhom opportunitajiet limitati.

Jassisti fis-seminar kien hemm ukoll ħu Giorgio Petrosyan, Armen Petrosyan, li huwa wkoll superwelt world champion.

Is-seminar ta’ Petrosyan huwa l-iktar wieħed riċenti organizzat minn Master Noel, li fl-aħħar snin ġab f’Malta diversi champions tal-kickboxing, fosthom Ernesto Hoost, Osman Yigin, Tom Hanrick, Fabio Siciliani, Boo Saspirapa u Didier Le Borgne.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Kickboxing

Christopher Rotin se jkun l-ewwel kickboxer Malti li qatt irrappreżenta lil pajjiżu fi ġlieda professjonali fil-Gżejjer Kanarji. Rotin, li għandu 26 sena u jitħarreġ fil-klabb Ying Yang – Team Noel,…

Kickboxing

Total ta’ 38 atleta kisbu grad ogħla fil-kickboxing waqt eżami li sar taħt il-kappa tal-World Kickboxing Network (WKN) nhar il-Ħadd 4 ta’ Frar. Il-maġġoranza tal-atleti jitħarrġu fil-klabb Ying Yang-Team Noel….

Aktar