Kickboxing
Kickboxing: Il-President tal-WKN se jagħti seminar f’Malta

Il-ġimgħa d-dieħla l-komunità lokali tal-kickboxing se tilqa’ lill-President tal-World Kickboxing Network (WKN) Stephane Cabrera.

Cabrera se jiġi f’Malta biex flimkien ma’ Kancho Adrian Axisa jippresjedi f’High Grading tal-WKN. Matul dan il-grading mistennija jiksbu ċintorini ġodda kowċis u atleti ta’ livell għoli, flimkien ma’ numru mdaqqas ta’ atleti oħra.

Eżatt wara l-grading se jkun qed jingħata seminar minn Cabrera nnifsu, li se jkun miftuħ għall-atleti tal-kickboxing mill-klabbs kollha ta’ Malta. Din hija l-ewwel darba li se jkun qed isir High Grading Seminar tal-WKN f’Malta.

F’dan is-seminar l-atleti Maltin se jkollhom l-opportunità li jitgħallmu mingħand atleta u kowċ veteran li huwa wieħed mill-iktar persuni influwenti fil-kickboxing bħalissa.

Is-seminar se jkun qed isir nhar is-Sibt 2 ta’ Ġunju fil-5.00pm, fil-klabb Ying-Yang Team Noel fil-Fgura.

Miktub minn...
TVM Sport
Aħbarijiet Oħra
Kickboxing

Master Noel Mercieca, fundatur u kowċ ta’ Ying Yang Team Noel Kickboxing Club Malta flimkien mal-atleta professjonali Samuele Andolina rritornaw lura Malta hekk kif lestew Diploma Nazzjonali ġewwa Venezja, l-Italja…

Aktar