Kickboxing
Kickboxing: Is-Sibt li ġej issir it-22 edizzjoni tal-Gladiators Fight Night

Master Noel Mercieca flimkien ma’ Niclas Elfstedt f’isem Gladiators Promotions ser ikunu qegħdin itellgħu t-tnejn u għoxrin edizzjoni ta’ Gladiators Fight Night proprju nhar is-Sibt, 23 ta’ Frar 2019 ġewwa l-Padiljun Sportiv ta’ Kordin.

Matul dan l-avveniment wieħed ser ikun jista’ jara total ta’ madwar ħmistax-il ġlieda ta’ kategoriji differenti. L-atleti Maltin ser ikunu qegħdin jissiltu ma’ kompetituri minn pajjiżi differenti fosthom Franza, L-Italja u Spanja.

L-atleta Faris Lukovic ser ikun qiegħed jissilet għat-titlu Ewropew Semi-Pro kontra l-Ispanjol Juan Antonio Oller Rosillo taħt il-kappa tal-World Kickboxing Network (WKN). Għalkemm Lukovic huwa ta’ dixxendenza barranija, huwa ser ikun qed jirrappreżenta lil pajjżna f’isem il-klabb tiegħu Fort Fitness.

Apparti numru sostanzjali ta’ kompetituri lokali, wieħed ser ikun jista’ jara ġellieda rinomati Maltin bħal Celeste Galea u Jesred Piscopo mill-Ying Yang Team Noel Kickboxing Club fejn it-tnejn li huma ser iħabbtuha ma’ avversarji Taljani.

Avvenimenti bħal dawn saru ta’ importanza kbira f’pajjiżna għaliex joffru esperjenza lil dawk l-individwi li jitħarrġu f’dan l-isport u li jixtiequ jkomplu jsaħħu l-karriera tagħhom. Matul din il-lejla, dawk preżenti ser ikunu jistgħu jaraw kompetituri minn klabbs differenti fosthom Ying Yang Team Noel, Team Jalen, Basement Kickboxing, Fort Fitness, Malta Thai Boxing, Warriors Kickboxing Academy u Kibishii Michi Kickboxing Club.

Dawk li jixtiequ jattendu jistgħu jagħmlu dan billi jiksbu l-biljetti tagħhom minn għand il-kompetituri, il-klabbs involuti jew billi jikkuntatjaw lil Gladiators Promotions dirett fuq il-paġna ta’ Facebook.

Miktub minn...
TVM Sport
Aħbarijiet Oħra
Kickboxing

Wara biss ġimagħtejn fejn l-atleta Keith ‘Speed’ Azzopardi ġie nkurunat champion tad-dinja fi Franza, huwa reġa’ kkompeta għal titlu mondjali ieħor din id-darba fil-K1, fil-padiljun sportiv ta’ Kordin. Azzopardi ħabbatha…

Kickboxing

Avveniment ieħor ta’ kickboxing lokali – Gladiators Promotions ser tkun qed ittella’ s-serata Gladiators Fight Night XXIII nhar is-Sibt 29 ta’ Ġunju ġewwa l-Padiljun Sportiv ta’ Kordin. Mistenni lejl interessanti…

Kickboxing

Il-Kickbxer Malti Keith Azzopardi il-bieraħ filgħaxija kien dikjarat iċ-Champion il-ġdid tal-kategorija Featherweight tal-World Kickboxing Network. Il-ġlieda li kien involut fiha Azzopardi kontra l-Franċiż Jonathan Pastorino fil-kategorija taħt is-60kg u saret…

Kickboxing

Il-kickboxer Maltija Diane Schembri minn Ying Yang Team Noel irritornat lura pajjiżna ftit tal-jiem ilu wara li rrappreżentat lil Malta ġewwa Bedzin, il-Polonja fil-kompetizzjoni ‘Girl Power 8’. Wara li telgħu…

Aktar