Kickboxing
Kickboxing: Keith ‘Speed’ Azzopardi, Jesred Piscopo u Celeste Galea lura mill-kompetizzjoni Fighters Level Up f’Pariġi

L-Atleti Maltin Keith ‘Speed’ Azzopardi, Jesred Piscopo u Celeste Galea rritornaw lura lejn pajjiżna flimkien mal-kowċ tagħhom Noel Mercieca wara li rrapreżentaw lil Malta fi Franza waqt is-serata Fighters Level Up ġewwa Pariġi, nhar is-Sibt 13 ta’ April.

Galea kienet l-ewwel Maltija li ġġieldet f’din is-serata fejn wara ġlieda interessanti u soda, sfortunatament kellha tieqaf fit-tieni rawnd. Piscopo ħabbatha kontra l-Franċiż Parietti. Dawn iż-żewġ atleti wrew kuraġġ kbir matul it-tlett rawnds hekk kif it-tnejn bdew jikkombinaw serje ta’ daqqiet b’saħħithom u taw wirja spettakolari. Il-ġurija rebbħet lil Parietti bil-punti.

Kien Keith ‘Speed’ Azzopardi li ġġieled fil-bout professjonali kontra l-Marokkin Yannis El Hajaoui. Azzopardi mill-ewwel wera dominanza kbira fuq l-avversarju tiegħu hekk kif beda l-ewwel rawnd b’numru sostanzjali ta’ daqqiet preċiżi fosthom ‘spinning hook kick’ f’wiċċ l-avversarju.

Hekk kif kompliet it-taqbida, Azzopardi ta daqqa tajba bl-irkoppa f’ġenb El Hajaoui fejn kien hawn fejn ir-referee kellu jibda jgħodd sal-għaxra iżda għal xi raġuni l-ġurija ma ndunatx b’din in-‘knockout’ u ħalliet il-ġlieda għaddejja. Keith ‘Speed’ Azzopardi baqa’ jiddomina r-rawnds l-oħra sakemm eventwalment tatu r-rebħa tant mistħoqqa.

Din hija t-tielet rebħa għall-atleta professjonali Azzopardi fi Franza.

 

Miktub minn...
TVM Sport
.
Aħbarijiet Oħra
Kickboxing

Kickboxing: Iż-żewġ kickboxers Maltin Jesred Piscopo u Shaun Falzon rebħu fl-aħħar edizzjoni tal-Gladiators Fight Night 24 li saret ftit tal-jiem ilu. Serata li fiha kien hemm b’kollox 12 -il ġlieda…

Kickboxing

Kickboxing: Għada filgħaxija mistennija tittella’ l-erbgħa u għoxrin edizzjoni tal-Gladiators Fight Night fil-Montekristo Estates, fejn numru sostanzjali ta’ atleti Maltin ser ikunu qegħdin jiġġieldu ma diversi atleti barranini. F’dan l-avveniment…

Kickboxing

Il-Ħadd li għadda seħħ għal darboħra il-grading tal-kickboxing mtella’ mill-World Kickboxing Network u Malta Kickboxing Association sabiex numru sostanzjali ta’ studenti tal-arti marzjali setgħu jirċievu ċ-ċintorin rispettiv li tant stinkaw…

Kickboxing

Aktar suċċessi għaż-żewġ kompetituri professjonali ta’ Team Noel Kickboxing Club waqt is-serata ‘Centurion MMA Malta Reciliance’ li ġiet imtella’ nhar is-Sibt 26 ta’ Ottubru. Keith ‘Speed’ Azzopardi u Samuele Andolina…

Aktar