Local Sports
Kif se jkun affetwat l-Isport bil-Budget 2019, propost twaqqif ta’ Korp għall-Integrità tal-Isport

Fid-diskors tal-Budget tal-lum il-Ministru tal-Finanzi Edward Scicluna qal li l-Gvern huwa mpenjat li jkompli jsaħħaħ l-infrastruttura sabiex l-atleti Maltin jiksbu riżultati tajbin. Se jissoktaw it-tħejjijiet b’rabta max-xogħol fuq il-pixxina indoor fil-Kumpless tal-Isport tal-Kottonera sabiex l-isport akwatiku jieħu l-ispinta li jeħtieġ sabiex
ikompli jżid mas-suċċessi ta’ dawn l-aħħar snin.

Aktar miżuri:

SportMalta identifikat 18 -il post ta’ ‘open spaces’ u pitches simili fi 15-il lokalita’ madwar Malta u Għawdex. Il-Gvern se
jimbarka fi programm ta’ sentejn li matulhom dawn l-open spaces u pitches se jsiru mill-ġdid b’ investiment ta’ €600,000.

Wara li s-sena li għaddiet kien hemm l-ewwel applikazzjonijiet ta’ għaqdiet sportivi sabiex jikkummerċjalizzaw il-faċilitajiet tagħhom, matul is-sena li ġejja huwa mistenni li l-liġi li saret favur il-Clubs speċjalment Clubs tal-futbol, tibda tara l-ewwel riżultati tagħha sabiex iktar Clubs jkunu jistgħu jagħmlu l-qabża għall-professjonaliżmu.

Il-Gvern se jkompli jħarrax il-ġlieda kontra l-korruzzjoni fl-isport. Wara li daħlet il-liġi kontra l-korruzzjoni fl-isport, issa
l-Gvern se jwaqqaf il-Korp għall-Integrità tal-Isport. Din għandha taħdem id f’id mal-assoċjazzjonijiet sportivi nazzjonali, mal-Pulizija u mal-Awtorita’ Maltija għal-logħob, sabiex ikompli jkollna l-isport Malti nadif mill-qerq kif ukoll jeduka lit-tfal biex jikbru f’ambjent ta’ sport nadif u integru.

Flimkien mal-Kumitat Olimpiku Malti se tkun qed tiġi mfassla strateġija nazzjonali għall-isport għall-għaxar snin li ġejjin. Ir-riżultati li l-atleti tagħna ġabu f’dawn l-aħħar snin jistgħu u għandhom jitjiebu u għalhekk din l-istrateġija mhux ser tkun immirata biss lejn it-tkattir ta’ parteċipanti fl-isport iżda l-kisba ta’ rebħ u medalji f’kull dixxiplina sportiva possibbli fil-manifestazzjonijiet sportivi internazzjonali l-kbar.

Miktub minn...
TVM Sport
.
Aħbarijiet Oħra
Local Sports

Il-Programm TVM Sport jirritorna llejla fuq TVM2 fejn id-diskussjoni ewlenija ser tkun dwar il-Kampjonat tal-Ewwel Diviżjoni. Mistiedna fl-istudio rappreżentanti tal-klabbs li qed jiddominaw dan il-Kampjonat, Sirens, Sta Lucia u Gudja. …

Local Sports

Fil- finali tal- Attrans Snooker Malta Open kien Alex Borg li ħareġ rebbieħ 6-4. Il-konfront kien ibbażat fuq l-aħjar minn ħdax il- frame. Għal kronaka tajjeb wieħed jgħid li Alex…

Local Sports

Aktar minn €95,000 ġew mgħoddija lil għaqdiet volontarji u sportivi Għawdxin li kienu applikaw  għall-għajnuna taħt l-iskemi: Ministry for Gozo Non-Governmental Organisations Assistance Scheme u l-Isports Organisations Scheme imnedija mill-Ministeru għal Għawdex matul l-2018. Il-Ministru għal Għawdex…

Local Sports

It-team ta’ TVM Sport fi ħdan il-PBS jawgura l-Milied it-tajjeb lill-kommunita’ sportiva f’Malta speċjalment, lill-uffiċjali tal-Assoċjazzjonijiet u Federazzjonijiet kollha, atleti, kowċis u l-mijiet ta’ voluntiera li jaħdmu fl-isport f’pajjiżna.  …

Aktar