Boxing
Knisja f’Napli tinbidel f’ring tal-boxing

F’sobborg fil-belt ta’ Napli, knisja tas-seklu sbatax kienet mibdula f’ring tal-boxing, fejn żgħażagħ differenti qegħdin jinġabru sabiex jitgħallmu dan l-isport u xejn xejn jitbiegħdu mit-toroq tal-belt u mill-kriminalità. Fid-distrett ta’ Rione Sanita s-sitwazzjoni xejn mhija waħda feliċi, fejn diversi żgħażagħ jispiċċaw jiġġerrew barra, jiġġieldu, u ħafna drabi jispiċċaw arrestati mill-pulizija. Il-mafja Taljana ‘Camorra’ hija waħda minn tliet organizzazzjonijiet li jippruvaw jiġbdu kemm jistgħu żgħażagħ lejhom għal skopijiet ħżiena, u dan iseħħ minħabba li ħafna minnhom ma jkollhomx xogħol. Fl-2018, 39.7% taż-żgħażagħ bejn il-15 u l-24 sena ma kellhomx impjieg.

Fil-knisja ta’ Santa Maria della Sanita, madwar sittin żagħżugħ jinġabru tliet darbiet fil-ġimgħat għat-taħriġ fil-boxing. Forsi wieħed jistaqsi għaliex din il-knisja tas-seklu sbatax ma nbidlitx f’xi ħaġa oħra, jew inkella post fejn jiġi prattikat sport ieħor, imma permezz tal-boxing dawn iż-żgħażagħ qegħdin joħorġu ftit mill-frustrazzjoni tal-ħajja, għax fi kliemhom, il-boxing jgħinhom iħossuhom fiżikament tajbin u jgħinhom joħorġu l-emozzjonijiet tagħhom. Fil-knisja li kienet mibnija bejn l-1602 u l-1611, it-taħriġ isir minn żewġ pulizija, u dan kompla għen biex titnaqqas l-arja ostili li wieħed isib fit-toroq ta’ dan id-distrett bejn iż-żgħażagħ u l-pulizija. Barra dan it-taħriġ, diversi żgħażagħ qegħdin jirċievu għajnuna psikoloġika sabiex ma jiġrilhomx bħal sħabhom u jispiċċaw il-ħabs.

Fi knisja oħra, fl-istess distrett, madwar 200 metru ‘l bogħod mill-knisja ta’ Santa Maria della Sanita, żgħażagħ oħra jingħaqdu sabiex jitħarrġu fil-mużika, kollox parti mill-pjan ta’ Dun Antonio Loffredo li beda proġett sena ilu biex jipprova joħloq spazji fejn iż-żgħażagħ Naplitani jkunu jistgħu jirrikreaw ruħhom.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Boxing

Boxing: Il-bieraħ fil-Montekristo Estates saret promozzjoni oħra ta’ Impact Promotions sanzjonata mill-Malta Boxing Association fejn fiha ġġieled il-Boxer Libjan li ilu residenti f’Malta għal diversi snin Malik Zinad. Zinad iġġieled…

Boxing

L-ex Champion tad-Dinja tal-heavyweight Mike Tyson se jkun qed jirritorna fir-ring għall-ġlieda ta’ esebizzjoni kontra l-ex Champion tal-weight world, Roy Jones Jr. Il-ġlieda hi skedata li ssir fit-12 ta’ Settembru,…

Boxing

Christian Ċoqqos Schembri għeleb lir-rival antik Scott Dixon fuq għaxar rounds fi ġlieda li rat lill-ex-champion tal-Commonwealth Dixon jirritorna fir-ring minn sospensjoni t’erba’ snin. L-event ta’ tmiem il-ġimgħa li għadda…

Boxing

Boxing lokali illum saret weigh in ta’ boxers li se jkunu qed jiġġieldu għada fl-avveniment The Trilogy III organizzata minn Prize Boxing Promotions. Fost il-ġliediet mistennija għal għada hemm dik…

Aktar