Futbol lokali
Korruzzjoni: Żewġ players tal-U21 sospiżi għal għomorhom

Il-UEFA illum ħabbret id-deċiżjoni finali tal-kumitat tal-kontroll, etika u dixxiplina relatat mal-każ ta’ korruzzjoni li kienu qed ikunu investigati xejn inqas minn seba’ players tat-team Nazzjonali Malti ta’ taħt il-21 sena.

Il-każ kien jirrigwardja żewġ logħbiet mill-grupp ta’ kwalifikazzjoni tal-kampjonat tal-UEFA ta’ din il-kategorija li ntlagħbu fl-2016.

Mis-seba’ players investigati huwa biss il-goalkeeper Matthew Calleja Cremona li ġie meħlus mill-akkużi kollha u allura ma ntsabx ħati.

Iż-żewġ players Emanuel Briffa u Kyle Cesare weħlu sospensjoni għal għomorhom. Dawn iż-żewġ players kienu għaddew proċeduri kriminali fil-Qrati Maltin u kienu nħelsu mill-akkużi, iżda bħalissa qed jerġgħu ikunu affaċjati bl-istess akkużi wara li l-Avukat Ġenerali appella mid-deċiżjoni tas-sentenza tal-ewwel Qorti.

Erba’ players oħra wkoll instabu ħatja u ingħataw sentenzi differenti. L-akkuża simili fil-konfront ta’ dawn il-players hi li ma nfurmawx minn jheddehom lill-UEFA jew lill-awtoritajiet kompetenti li kienu jafu b’dak li kien se jseħħ u kien miftiehem għaż-żewġ logħbiet Malta kontra l-Montenegro tat-23 ta’ Marzu u Malta kontra r-Republika Ċeka tad-29 ta’ Marzu tas-sena 2016.

B’hekk il-UEFA ssospendiet b’effett immedjat sentejn lill Samir Arab, sena u nofs lil Ryan Camenzuli, u sena lil Llywelyn Cremona u lil Luke Montebello.

Apparti s-sentenza ta’ sospensjoni Ryan Camenzuli, Llywelyn Cremona u Luke Montebello ġew ordnati wkoll jagħmlu xogħol ta’ servizz fil-komunità tal-football.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol internazzjonali

SERIE A 2018/19 Riżultati tal-Ħadd Spal 0 – 0 Chievo Fiorentina 3 – 1 Empoli Frosinone 0 – 2 Sassuolo Sampdoria 2 – 0 Parma Cagliari 0 – 1 Napoli…

Futbol internazzjonali

PREMIER LEAGUE INGLIŻ 2018/19 Riżultati tal-Ħadd Brighton  1 – 2  Chelsea Southampton 3 – 2 Arsenal Liverpool 3 – 1  Manchester Utd

Futbol lokali

KAMPJONAT BOV PREMIER 2018/19 Floriana……4 Tarxien R….0 Floriana, b’zewġ gowls f’kull taqsima, jiksbu rebħa fundamentali għalihom, fuq it-tim ta’ Tarxien. Partita li Floriana kellhom il-kontroll għal ħafna ħin, b’Tarxien li…

Futbol lokali

KAMPJONAT BOV PREMIER 2018/19 Senglea A……0 Birkirkara…..2 Birkirkara qabżu temporanjament waħedhom fil-ħames post tal-Kampjonat BOV Premier, b’logħba iktar minn Balzan u Ħamrun Spartans, b’rebħa meritata ta’ 2-0 fuq Senglea Athletic:…

Aktar