Futbol internazzjonali
Kumment ta’ Neymar iġibu fl-inkwiet mal-UEFA

L-attakkant Brażiljan ta’ Paris St Germain Neymar ġie akkużat mill-UEFA talli insulenta lir-referee wara li t-tim Franċiż safa eliminat mir-round tal-aħħar sittax tal-UEFA Champions League minn Manchester United.

Neymar li kien nieqes minħabba injury qed jiġi nvestigat wara li qal li l-VAR hija diżunur hekk kif Manchester United ingħataw penalty fl-aħħar minuta li bih eliminaw lil Paris St Germain. Jekk huwa jinstab ħati jista jeħel sa’ massimu ta’ tlett logħbiet sospenzjoni.

Il-coach ta’ Paris St Germain Thomas Tuchel wara l-logħba kien stqarr li jifhem ir-rabja ta’ Neymar u ddefenda l-kummenti tiegħu li skont hu saru fis-saħna tal-mument.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League