Motorsport
L-ASMK torganiza t-tieni edizzjoni tad-demolition derby għall-vannijiet
Jirbaħ Eman Farrugia fuq Tata Sierra

Motorsport lokali: tnax-il sewwieq ħadu sehem fit-tieni demolition derby għall-vannijiet organizzata f’Lulju mill-Assoċjazzjoni Sport Muturi u Karozzi.

Sittax-il vettura kienu rreġistraw għall-kompetizzjoni imma erba’ minnhom m’għaddewx mit-testijiet kollha.

Id-demolition derby li saret quddiem mijjiet ta’ spettaturi f’Ta’ Qali ħadet madwar 40 minuta: bit-taqtigħa tal-aħħar tkun bejn Eman Farrugia u Marlon Caruana it-tnejn fuq Tata Sierra, u Jurgen Gatt fuq Kia Carnival: qabel eventwalment kien Caruana li ħareġ rebbieħ, b’Farrugia runner-up.

Demolition Derby oħra mistennija ssir il-Ħadd 27 ta’ Ottubru iddedikata għal sewwieqa nisa biss fuq vetturi zgħar. Id-Demolition tal-Milied li fiha jistgħu jieħu sehem l-karozzi kbar ukoll se ssir il-Ħadd 22 ta’ Diċembru.

L-ASMK se tkun organizzat b’kollox erba’ Demolition Derbies dan l-istaġun li swew biex tneħħew mit-toroq xejn inqas minn 120 vettura qadima.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Motorsport

Is-sewwieq mill-Afrika t’Isfel Giniel de Villiers rebaħ ir-Rally tal-Marokk 2019 wara sfida qawwija mal-Ispanjol Carlos Sainz. Fl-aħħar stadju ta’ dan ir-Rally de Villiers kellu mal-4 minuti distakk minn ma’ Sainz…

Motorsport

L-Ispanjol Carlos Sainz u l-Portugiż Paulo Goncalves rebħu l-kategoriji rispettivi tagħhom fir-raba’ stadju tar-Rally tal-Marokk li sar matul il-ġurnata tat-Tlieta. Fil-kategorija tal-karozzi, Carlos Sainz spiċċa l-istadju f’ħin ta’ 3 sigħat…

Motorsport

Wara t-tieni stadju tar-Rally tal-Marokk, Nasser Al-Attiyah tal-Qatar żamm postu fil-quċċata tal-klassifika fuq it-Toyota Hilux. Fl-istadju li sar qrib Fes, il-Marokk, iċ-champion tar-Rally ta’ Dakar żamm fuq quddiem, b’Stephane Peterhansel,…

Motorsport

Is-Sibt 28 ta’ Settembru, l-Old Motors Club Malta, organizza riċeviment għall-membri tiegħu u mistiedna oħra distinti kemm Maltin kif ukoll ħbieb tal-klabb minn Sqallija. L-Old Motors Club twaqqaf fl-1989 u…

Aktar