Futbol lokali
L-Avukat Chris Bonett se jikkontesta għall-President tal-Malta Football Association

L-Avukat Chris Bonett se jikkontesta l-kariga ta’ President tal-Malta Football Association fil-Laqgħa Ġenerali Annwali 2019, li se ssir fl-20 ta’ Lulju li ġej.

L-ex Viċi President tal-MFA, ħabbar dan permezz ta’ ittra uffiċjali lill-Klabbs lokali u lill-Member Associations ftit tal-ħin ilu li kienet segwita wkoll minn messaġġ fuq il-media soċjali.

Bonett qal li se jkun qed jaqsam proposti u pjan fit-tul biex jinbidel dak li hu neċessarju u biex il-klabbs ikunu tabilħaqq fuq nett tal-aġenda tiegħu.

“Bħalma dejjem għamilt, se nagħmel l-almu kollu tiegħi biex din il-ħolma tagħna ssir realtà u għalhekk wara li kkonsultajt mal-membri kollha tal-familja tal-football Malti, ħadt id-deċiżjoni li kelli nieħu u qiegħed inħabbar li fl-20 ta’ Lulju li ġej se nkun kandidat għall-Presidenza tal-MFA,” kiteb Chris Bonett.

Bonett stqarr li fil-ġranet u l-ġimgħat li ġejjin, se jkun qed jaqsam il-proposti tiegħu u tat-tim tiegħu għall-futur tal-futbol Malti, fejn se jitnieda pjan fit-tul li għandu jwassal biex bil-ħidma tiegħu, flimkien ma’ dawk li għandhom għal qalbhom il-futbol, isiru l-bidliet neċessarji li għandu bżonn il-futbol Malti biex il-klabbs ikunu verament fuq nett.

“Wasal iż-żmien li flimkien niktbu kapitlu ġdid fl-Istorja tal-futbol Malti, żmien li fih l-MFA trid tinbidel u ssir Assoċjazzjoni moderna, imexxija bl-aktar mod trasparenti u tħaddan prinċipji kummerċjali. Dan se jkun żmien li fih it-tfal tagħna jingħataw l-opportunità li l-futbol jippratikawh bħala professjoni full-time u jwettqu l-ħolma tagħhom li jkollhom karriera glorjuza. Dan se jkun żmien li fih it-tim nazzjonali jagħtina l-emozzjonijiet li b’mod regolari ngħajtu “gowl”. Se jkun żmien li fih il-klabbs tagħna jingħataw l-għodda kollha neċessarja biex ikollhom organizazzjoni professjonali, jagħtuna kampjonati mill-isbaħ u jirbħu fl-Ewropa”, kiteb Chris Bonett.

 

L-Itta li bgħat Chris Bonett lil Klabbs hawn taħt:

Miktub minn...
TVM Sport
.
Aħbarijiet Oħra
Futbol lokali

Kellhom jgħaddu 27 sena mill-aħħar kampjonat mirbuħ minn Floriana fl-istaġun 1992/93 meta dakinhar kien refa’ t-Tazza tal-Kampjonat il-mibki David Cluett sabiex il-Furjaniżi sa fl-aħħar jerġgħu jgħollu t-Tazza ta’ Champions tal-Football…

Futbol lokali

Is-Sibt wara nofsinhar saret il-preżentazzjoni tat-trofew ta’ Champions tal-Futsal Elite League lil Luxol Futsal li rebħu dan il-kampjonat tal-istaġun 2019/20. Luxol dan l-istaġun rebħu double partikolari hekk kif apparti li…

Futbol lokali

Attard FC is-Sibt filgħaxija kienu ppreżentati bit-Tazza ta’ Champions tal-Kampjonat BOV tat-Tielet Diviżjoni għall-istaġun 2019/20. Il-Preżentazzjoni lil-captain tat-team Nigel Spiteri imdawwar bi sħabu l-players u membri tal-kumitat saret mill-President tal-MFA…

Futbol lokali

Waslet il-ġurnata li tant ilhom jistennew il-Furjaniżi hekk kif is-Sibt filgħaxija fil-Floriana saru ċ-ċelebrazzjonijiet uffiċjali tar-rebħ tal-kampjonat għall-istaġun 2019/20 wara l-preżentazzjoni uffiċjali tat-Tazza tal-Kampjonat BOV Premier tal-istagun 2019/20. Għal ħabta…

Aktar