Ċikliżmu
L-ewwel ġurnata ta’ The Cyclist Tour ta’ Malta

L-edizzjoni 2019 ta’ The Cyclist Tour ta’ Malta ngħatat bidu dalgħodu bit-Time Trial individwali fuq rotta ta’ 12-il kilometru fil-bypass tal-Imtarfa.

Temp xemxi laqa’ lill-aktar minn mitt ċiklist li ħadu sehem fl-erba’ kategoriji: Elite, Nisa, Masters u Juniors.

Marie-Claire Aquilina ta’ Team Greens rebħet it-tellieqa tan-nisa b’vantaġġ ta’ 5 sekondi fuq Sian Bottomley ta’ Lovelo Squadra Donne. It-tielet daħlet Gabriela Nordin ta’ TWI Racing Team.

Il-kategorija Masters intrebħet minn Colin Sturgess ta’ Kuota CSG li daħal 18-il sekonda qabel iċ-ċiklist minn Ġibiltà Derek Barbara. Sturgess li huwa wkoll il-leader overall tat-Tour wara l-ewwel ġurnata għandu rekord impressjonanti: b’medalja tad-deheb fil-Kampjonati tad-Dinja fl-1989 u bronż fl-1991. Ha sehem anke fl-Olimpjadi tal-1988 u rebaħ il-British National Road Championships darbtejn. Fit-tielet post fil-Masters daħal Darryl Maffey ta’ CC London, waqt li l-ewwel Malti kien Etienne Bonello ta’ Team Greens, ftit sekondi wara fir-raba’ post.

Fil-kategorija Elite ir-rebbieħ kien Josh Copely ta’ Stuart Hall Cycling fi 18-il minuta u 32 sekonda: quddiem Antoine Magaud ta’ Islington Cycling Club, u Harry Horsman ukoll ta’ Stuart Hall Cycling.

Il-kategorija Junior, introdotta dis-sena, rat lil Luke Borg ta’ The Cyclist jidħol l-ewwel, Sean Enriquez ta’ Mosta AF Sign Studio Team it-tieni, u Gianluca Camilleri ta’ Birkirkara St Joseph it-tielet.

 

It-tieni tappa tat-Tour ta’ Malta għada filgħodu hija Road Race ta’ 18-il kilometru fuq il-bypass ta’ San Pawl il-Baħar.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra

Tadej Pogacar huwa r-rebbieħ tal-107 edizzjoni tat-Tour De France li ntemmet illum. Minkejja li ma spiċċax mal-ewwel postijiet, Pogacar kellu sekondi vantaġġ biżżejjed biex baqa jżomm l-ewwel post tal-klassifika overall….

Ċikliżmu: Tour de France, Illum saret it-tappa ta’ qabel tal-aħħar li kienet time trial individwali fuq distanza ta’ 36 kilometru li saret f’La Planche des Belles Filles. Ir-rebbieħ ta’ din…

Id-Daniż Soren Kragh Andersen rebaħ id-19-il stadju tat-Tour De France tal-lum. Dan kien it-tieni stadju li rebaħ Andersen fl-edizzjoni ta’ din is-sena. L-istadju tal-lum telaq minn Bourg en Bresse u…

Miguel Angel Lopez rebaħ is-17-il stadju tat-Tour De France li sar illum. Lopez kellu sfida qawwija minn Richard Carapaz iżda dan ċeda lejn l-aħħar u nqabeż minn diversi ċiklisti. L-isfida…

Aktar