International Sports
L-ex sewwieq tal-Formula 1 Alex Zanardi f’kundizzjoni kritika wara inċident gravi bil-handbike

L-ex sewwieq tal-Formula 1 Alex Zanardi jinsab f’kundizzjoni kritika wara li lbieraħ filgħaxija kien involut f’inċident bil-handbike.

Zanardi ġie operat urġenti f’rasu wara inċident ikrah fit-toroq ta’ Pienza ma’ trakk kbir tal-merkanzija.

Zanardi ta’ 53 sena, ittieħed bil-ħelikopter b’urġenza fl-isptar Le Scotte ta’ Siena fejn ġie operat minnufih. L-operazzjoni damet sejra tliet sigħat.

Il-kundizzjoni tiegħu għadha s’issa meqjusa bħala gravi ħafna.

Miktub minn...
TVM Sport