Futbol lokali
‘L-Għan tagħna hu li nistabilixxu ruħna fil-Premier’ – Joe Gauci President Żejtun Corinthians

Il-President ta’ Żejtun Corinthians Joe Gauci tkellem għall-ewwel darba ma’ TVM Sport min mindu l-Club tiegħu ġie uffiċjalment dikjarat Champion tal-ewwel diviżjoni għall-istaġun 2019/20 u b’hekk kien promoss ukoll għall-kampjonat Premier.

Żejtun Corinthians kellhom żewġ punti iktar minn Lija Athletic fil-klassifika qabel ma waqaf il-kampjonat.

Joe Gauci li fil-passat kien ukoll President tal-Club tal-Marsa qal f’din l-intervista li xxandret waqt il-programm speċjali TVM Sport tal-Ħadd filgħaxija fuq TVM2, li dan l-istaġun Żejtun kienu l-aħjar team fl-ewwel diviżjoni u l-promozzjoni kienet meritata.

Hu qal li b’sittax -il team fl-istaġun li ġej il-Premier se jkun kampjonat diffiċli iżda jekk wieħed ikollu seba’ barranin tajbin jista’ jinkiseb ir-riżultat mixtieq. Dwar l-għan tal-Club Gauci qal li se jippruvaw jistabillixu t-team fil-Premier u ma jkunux telgħu fl-ogħla diviżjoni għal staġun wieħed biss.

 

Miktub minn...
TVM Sport
.