Sports Internazzjonali
L-IAAF lesta tissospendi għal kollox lir-Russja

L-IAAF il-Federazzjoni Internazzjonali tal-Atletika lesta li tissospendi lill-Federazzjoni tal-Atletika tar-Russja għal kollox jekk dawn ma jħallsux il-multa imposta fuqhom sal-15 ta’ Awwissu.

Il-Federazzjoni tal-Atletika tar-Russja ilha sospiża mill-2015 b’ċertu atleti jingħataw konċessjoni jikkompetu biss taħt bandiera newtrali. Il-Kwistjoni tikkonċerna skema ta’ doping li ilha fis-seħħ għal snin twal u li inkixfet fil-pajjiż mill-WADA. Il-Federazzjoni u l-Gvern Russu kienu konxji minn din l-iskema u ħbewha għal snin twal. Rune Andersen, iċ-chairman tat-taskforce responsabbli minn din il-kwistjoni qal li hu rċieva garanzija mill-Ministru tal-Isport Russu Oleg Matytsin li l-pagament ta’ €6 miljuni kien se jitaħħals sa nofs Lulju. Il-multa kellha titħallas oriġinalment sal-1 ta’ Lulju iżda baqgħet ma tħallsitx.

 

 

Miktub minn...
TVM Sport
.