Atletika
L-IAAF tibqa’ żżomm is-sospensjoni fuq l-atleti Russi

L-IAAF il-Federazzjoni Internazzjonali tal-Atletika, kkonfermat li s-sospensjoni fil-konfront tal-Assċjazzjoni tal-Atletika Russa.

Dan kien konfermat minn Sebastian Coe, il-President tal-IAAF meta kien qed jindirizza lill-media fi tmiem laqgħa teknika tal-Atletika fl-Arġentina.

L-Assoċjazzjoni Russa u diversi atleti russi: 43 b’kollox ġew sospiżi minn kull attivita’ u kompetizzjoni tal-IAAF wara li fir-rapport tal-Avukat McLaren ta’ Novembru 2015 kien ħareġ li r-Russja kellha sistema organizzata ta’ doping li allegatament kellha saħansitra l-barka tal-Gvern Russu.

Sebastian Coe qal li filwaqt li r-Russja qed tieħu l-passi neċċesarji sabiex tnaddaf l-atletika u l-isport inġenerali, l-pajjiż għadu m’għamilx biżejjed sabiex jikkonvinċi lill-IAAF sabiex twaqqa’ din is-sospensjoni.

B’eċċezzjoni l-IAAF kienet ħalliet lil xi atleti Russi jikkompetu wara li dawn kienu laħqu l-kriterji li huma nodfa mid-doping u li kienu ntrabtu li jkunu ttestjati regolarment. Dawn kienu tħallew jikkompetu taħt bandiera newtrali hekk kif se jitħallew ftit atleti Russi fil-Kampjonati Ewropej li se jsiru f’Berlin u li jibdew fis-7 ta’ Awwissu.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Atletika

Kampjonati Ewropej tal-Atletika f’Berlin: l-atleta Maltija Charlotte Wingfield illum ikklassifikat l-aħħar fost 24 tfajla li tellqu fil-200 metru. Wingfield ġriet fl-ewwel heat u għamlet ħin ta’ 24 sekonda punt 4:…

Atletika

It-tellieqa Trail Run fuq distanza ta’ 5 kilometri organizzata mill-Agones SFC attirat numru sabiħ ta’ atletli f’tellieqa li hija kkunsidrata bħala waħda barra mill-istaġun tat-tlielaq. It-Trail Running sar sinonmu mal-klabb…

Atletika

L-Aħwa Jacob u omar El Aida kisbu riżultat pożittiv fil-European Athletics Under-18 Championships li sar Gyor, fl-Ungerija meta t-tnejn li huma rnexxielhom jikkwalifikaw għas-Semi-finali tal-200m. Il-Malta AAA kienet rapreżentata wkoll…

Aktar