Tazza tad-Dinja 2018
L-Ingilterra jġibu fix-xejn lill-Iżvezja 2-0 u jgħaddu għas-semifinali
F’logħba li bdiet kwieta u bit-timijiet ferm attenti minn xulxin, ftit li xejn rajna azzjonijiet lejn il-lasti rispettivi fl-ewwel nofs siegħa logħob. L-ewwel xutt lejn il-lasti kien ta’ Victor Claesson. Fid-dsatax-il minuta Harry Kane ukoll pprova xutt li minnu ma rriżulta xejn. Minn hawn ‘l hemm l-Ingliżi bdew jieħdu aktar l-inizjattiva u marru fil-vantaġġ fit-tletin minuta. Kien corner ta’ Ashley Young mix-xellug, daħal tajjeb Harry Maguire li bir-ras għeleb lill-goalkeeper Roben Olsen u tefa’ lis-supporters Ingliżi jkantaw il-God Save the Queen. Fil-ħin miżjud tal-ewwel taqsima kienhemm ieħor għat-tim Ingliż. Jordan Henderson jitfa ballun fit-tul, Raheem Sterling isib ruħu wiċċ‘imb wiċċma difensur Robin Olsen li rnexxielu jcaħħad lil Sterling milli jitfa lit-tim Ingliż 2-0 minn fuq.
Fil-bidu tat-tieni taqsima, l-Iżvezja ħarġu jfittxu l-goal ta’ draw. Wara biss żewġ minuti, cross ta’ Ludwig Augustinsson, għola tajjeb Marcus Berg iżda l-goalkeeper Jordan Pickard salva bi bravura. Wara din il-ħasda, l-Ingliżi reggħu poġġew moħħom hemm u sabu t-tieni fit-59, kien cross preċiż ta’ Jesse Lingard lejn Dele Ali, li bir-ras mingħjar tfixkil ta’ xejn għeleb lil goalkeeper Żvediż għat-tieni darba.
Fit-62 minuta kien xutt ta’ Viktor Claesson bil-goalkeeper Pickard jilqa bl-iżvediżi jonqsu li forsi jerggħu jidħlu fil-partita. Fit-72 minuta il-golkeeper Ingliz reġa kien protagonista b’save tajjeb fuq xutt ta’ Marcus Berg bil-ballun jispiċċa f’corner li minnu ma rrizulta xejn. L-Ingilterra komplew u jagħfsu għall-aktar goals meta fit-73 minuta ipprova Jesse Lingard bil-ballun jispiċċa barra. L-ingliżi komplew jikkontrollaw il-partita biex mat-tifsira finali bdew jiċċelebraw ir-rebħa u l-post fis-semifinali wara 28 sena u jistenna t-tieni semifinali tallum.
Miktub minn...
danielbuhagiar
Aħbarijiet Oħra
Futbol internazzjonali

Serie A 2019/20 Riżultati tat-3 ġurnata Genoa 1 – 2 Atalanta Brescia 3 – 4 Bologna Parma 1 – 3 Cagliari Spal 2 – 1 Lazio AS Roma 4 – 2 Sassuolo

Futbol internazzjonali

KAMPJONAT PREMIER INGLIŻ Fil-ħames ġurnata tal-kampjonat Premier Ingliż, Norwich City ħasdu għal kollox liċ-champions Manchester City billi rebħulhom bl-iskor ta’ 3-2. Din kienet l-ewwel telfa fil-kampjonat għas-Citizens. Norwich stabilixxew vantaġġ…

Futbol internazzjonali

Fit-23 Laqgħa Ġenerali Annwali tal-Assoċjazzjoni tal-Klabbs Ewropej li saret f’Ġinevra, l-klabbs insistew fit-talba tagħhom biex ikun hemm riforma fil-kompetizzjonijiet ewropej. Il-proposta ppjanat li tibda fis-sena 2024 tinkludi l-formazzjoni ta’ tliet…

Futbol internazzjonali

Il-bieraħ komplew jintlagħbu aktar logħbiet ta’ kwalifikazzjoni għall-Kampjonati tal-Ewropa 2020 fejn il-Ġermanja kisbu rebħa importanti kontra l-Irlanda ta’ Fuq filwaqt li mill-istess Grupp l-Olanda komplew għaddejjin bir-rebħ. Dawn kienu r-riżultati…

Aktar