Futbol internazzjonali
L-Iżvizzera u l-Kroazja jikkwalifikaw għat-Tazza tad-Dinja 2018

PLAYOFFS KWALIFIKAZZJONIJIET EWROPEJ

GREĊJA………………….0

KROAZJA……………….0

(AGGREGATE 4-1 FAVUR IL-KROAZJA)

Il-Kroazja wkoll jirnexxielha tikseb il-kwalifikazzjoni għall-edizzjoni tas-sena d-dieħla fir-Russja wara draw ta’ 0-0 fil-Greċja eżattament ġewwa l-Karaiskaki Stadium. L-ewwel leg kien intemm 4-1 favur il-Kroati u allura kważi kienet fatta diġa’ iżda l-Griegi riedu jippruvaw il-punt tagħhom li waslu s’hawn u ma ċedewx pulzier tul id-90minuta quddiem il-publiku taggħhom.

0-0 ir-riżultat finali f’logħba li kien fiha diversi azzjonijiet u ċansijiet ta’ skor. Ovvjament konċentrazzjoni massimu mill-players Kroati li bi kwalifikazzjoni virtwalment akkwistata fl-ewwel leg huma ma riedux jirriskjaw xejn u lagħb  kawti tul il-logħba kollha.

Riżultat finali ta’ 0-0 il-Kroazja tikkwalifika bl-aggregate score ta’ 4-1.

Referee kien Bjoern Kuipers (Olanda)

 

 

ŻVIZZERA………………..0

IRLANDA TA’ FUQ……0

(AGGREGATE 1-0 FAVUR L-IŻVIZZERA)

Wara li fl-ewwel leg fl-Irlanda l-Iżvizzeri kienu rebħu b’goal minn penalty dubjuż u kontroversjali, il-Ħadd filgħaxija dawn iż-żewġ teams reġgħu ltaqgħu għat-tieni leg din id-darba fis-St. Jakob Park.

Draw f’partita nieqsa minn ħafna emozzjonijiet biż-żewġ teams jippruva iħallu kollox għall-aħħar hekk kif kien hemm il-biża’ li jekk l-Iralandiżi jirbħu 1-0 il-logħba tidħol fil-ħin barrani. Dan ma seħx għaliex l-iskor baqa’ ma nfetaħx matul id-90minuta u 0-0 finali kien ifisser li l-Iżvizzera jgħaddu b’aggregate score ta’ 1-0 għat-Tazza tad-Dinja Russja 2018. Biki ta’ ferħ u ċelebrazzjonijiet fi tmiem il-logħba hekk kif il-kowċ Vladimir Petkovic wassal lit-team Żvizzeru għal dan is-suċċess meritat.

Referee kien: Felix Brych (Germanja)

 

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol internazzjonali, Tazza tad-Dinja 2018

Tazza tad-Dinja Russja 2018 Grupp A Russja ….. 3 Eġittu ….. 1 F’Saint Petersburg Stadium jibda t-Tieni Round ta’ logħob, l-attenzjoni lura fuq Grupp A hekk kif ir-Russja sar l-ewwel…

Futbol internazzjonali, Tazza tad-Dinja 2018

Tazza tad-Dinja Russja 2018 Grupp Ħ Polonja ….. 1 Senegal …… 2 Bidu qawwi għas-Senegal li għelbu lil Polonja bl-iskor ta’ 2-1. Fil-formazzjoni tas-Senegal id-difensur ta’ Napoli Kalidou Koulibaly u…

Futbol internazzjonali, Tazza tad-Dinja 2018

GRUPP Ħ Kolumbja … 1 Ġappun …. 2 Il-Ġappun ħasdu lil Kolumbja meta għelbuhom bl-iskor ta’ 2-1 fil-ftuħ ta’ Grupp Ħ. Vantaġġ kmieni għal Ġappun, hands fil-kaxxa ta’ Carlos Sanchez…

Aktar