Futbol lokali
L-MFA tgħin fil-kawża kontra l-coronavirus…kmamar f’lukandi għas-spejjeż tagħha lill-persuni li qed jaħdmu fil-qasam tas-saħħa

Il-Malta Football Association bdiet tgħin ukoll fil-kawża ta’ kontra l-coronavirus. L-MFA qed twassal messaġġ ta’ solidarjetà, rispett reċiproku u għaqda.

Fi stqarrija fuq is-sit uffiċjali tagħha, l-MFA qalet li tinsab kommessa li tgħin mhux biex lill-familja tant kbira tal-futbol f’Malta iżda wkoll lill-pajjiż kollu.

TVM Sport ħa l-kummenti ta’ Bjorn Vassallo, President tal-MFA.

“L-MFA tħoss li permezz tal-fond tagħha tal-Football Social Responsability, hekk kif għamlet fl-aħħar snin u għenet fil-benefiċċjenza, din id-darba se ngħinu f’kawża ġusta ħafna lil dawk li qed jgħinu lil pajjiżna f’mument daqstant diffiċli meta milqgħutin minn dan il-virus. Din hi sitwazzjoni iebsa ħafna għal kulħadd. Il-familja tal-futbol se tgħin lil dawk li għandhom ir-responsabbiltàli jridu jgħinu lil ħaddieħor,” qal Vassallo.

L-MFA għamlet ftehim u allokat numru ta’ kmamar fi tliet lukandi differenti li s-sidien tagħhom huma kollha nies fil-futbol biex jingħataw lill-persuni li bħalissa qed jaħdmu fis-settur tas-saħħa kontra l-COVID-19.

L-MFA, filwaqt li rringrazzjat lis-sidien ta’ dawn il-lukandi, qalet ukoll li se tkun qed tidħol għall-ispejjeż tal-lukandi fejn se jkunu alloġġjati dawn il-ħaddiema fil-qasam tas-saħħa.

L-MFA se tkun qed tkopri dawn l-ispejjeż mill-fond tagħha Football For Life.

Miktub minn...
TVM Sport
Aħbarijiet Oħra

Illejla Floriana jilqgħu lill-Estonjani ta’ Flora Tallinn fl-Istadium Nazzjonali Ta’ Qali fit-3 Round ta’ kwalifikazzjoni tal-UEFA Europa League. F’konferenza tal-aħbarijiet li saret ilbieraħ, il-kowċ ta’ Floriana Enzo Potenza għamilha ċara…

L-MFA se tipproponi lill-awtoritajiet tas-saħħa li l-partitarji jibdew jirritornaw fl-istadia tal-football minn Novembru. Wara laqgħa virtwali tal-Kunsill tal-MFA illum, il-President tal-Assoċjazzjoni Bjorn Vassallo spjega li l-ewwel pass fil-pjan huwa li…

Il-Kummissarju tad-Dixxiplina tal-MFA illum ħareġ is-sospensjonijiet wara l-ewwel logħbiet tal-Kampjonat BOV Premier 2020/21. Fost il-lista ta’ tliet plejers li ġew sospiżi hemm il-plejer ta’ Lija Athletic Carl Joseph Cassar li…

MALTA ………….0 DANIMARKA….8 EURO 2021 TAN-NISA Telfa kbira ta’ 8-0 għal Malta kontra d-Danimarka illejla fis-Centenary Stadium. It-telfa hija s-sitt waħda għat-tfajliet Maltin minn tmien logħbiet s’issa fi Grupp B:…

Aktar