Olimpijadi TOKYO 2020
L-Olimpjadi jistgħu jsiru bejn it-23 ta’ Lulju u t-8 t’Awwissu 2021

Il-Kumitat Olimpiku Internazzjonali u l-organizzaturi Ġappuniżi jinsabu fl-aħħar stadji tat-taħdidiet bejniethom sabiex ikunu deċiżi d-dati ta’ meta ser isiru l-Olimpjadi s-sena d-dieħla. Skont rapporti li ħerġin, il-possibilità hi li l-logħob olimpiku jibda fit-23 ta’ Lulju 2021, u jibqa’ sejjer sat-8 t’Awwissu. Dan kollu qed iseħħ wara li l-ġimgħa li għaddiet il-Prim Ministru Ġappuniż Shinzo Abe ħabbar li l-Olimpjadi kienu ser jiġu posposti b’sena, u dan minħabba kritika u pressjoni qawwija minn kull qasam sabiex il-logħob olimpiku ma jsirx kif kien ippjanat għas-sajf li ġej. F’124 sena ta’ storja tal-Olimpjadi, din hija l-ewwel darba li l-logħob ġie pospost.

Bħalissa l-Ġappun qiegħed jevalwa d-daqqa ekonomika li ser jaqla’ minħabba l-posponiment tal-logħob olimpiku li kien stmat li ser jiġġenera biljuni ta’ dollari Amerikani, iżda li momentarjament dawn kollha taru mar-riħ.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Olimpijadi TOKYO 2020

Il-Qatar illum għamluha uffiċjali li jinsabu interessati li jospitaw l-edizzjoni tal-Olimpjadi tal-2032. Il-Qatar se jospitaw l-edizzjoni li jmiss 2022 tat-Tazza tad-Dinja. Il-Kumitat Olimpiku tal-Istat Għarbi qal li tefa’ r-rikjesta mal-Kumitat…

Sports Internazzjonali

Il-Kumitat Olimpiku tal-Brażil iddeċida li minħabba s-sitwazzjoni xejn feliċi fil-pajjiż minħabba l-COVID-19 se jkunu qed jitolbu lill-ammont ta’ atleti Brażiljani sabiex dawn imorru l-Portugal biex ikomplu t-taħriġ tagħhom għall-Olimpijadi tas-sena…

Sports Internazzjonali

Il-canoer Arġentin Sebastian Rossi kellu jsib mezz ġdid ta’ taħriġ f’nofs il-pandemija tal-Covid-19. Rossi, ta’ 28 sena, qiegħed jitħarreġ fil-pool tal-maħbuba tiegħu b’sistema differenti minn tas-soltu. Fejn qabel kien imur…

Aktar