Formula 1
Lewis Hamilton jirbaħ il-Grand Prix ta’ Monza mimli tensjoni

Is-Sewwieq Brittaniku Lewis Hamilton fuq karozza Mercedes irnexxielu jirbaħ b’konvinzjoni l-Grand Prix ta’ Monza hekk kif issa Hamilton iżied il-vantaġġ fil-quċċata tal-klassifika bi 30 punt fuq Vettel. It-tieni daħal il-Finlandiż Kimi Raikonen fuq Ferrari b’Valterri Bottas fuq Mercedes ukoll jitla’ fit-tielet post tal-podju.

Bidu mil-isbaħ għall-ispettaturi newtrali u dawk partitarji tal-Mercedes li żgur ma’ niżilx tajjeb mal-Ferraristi hekk kif wara li ż-żewġ karrozzi Ferrari ta’ Raikonen u Vettel bdew mill-ewwel filliera, Vettell spiċċa spinnja wara impatt mal-Mercedes ta’ Hamilton hekk kif Vettel mar biex jattakka mill-ewwel il-sieħbu Rainkonen li sa dak il-ħin żamm l-ewwel post.

Bis-safety car fuq iċ-ċirkwiet, Vetell daħal sabiex ibiddel in-nose cone u kellu jagħmel rimonta mill-aħħar fejn spiċċa l-Grand Prix quddiem eluf ta’ partitarji tal-Cavallino Rampante fil-ħames post li mmaterjaliżża fir-raba’ post minħabba l-penaliżazzjoni ta’ Verstappen tar-Red Bull.

F’nofs ta’ nhar emozzjonanti għall-aħħar u tensjoni kbira kien Hamilton li qabeż lill-Raikonnen fl-aħħar 10 dawriet sabiex issa estenda n-nixfa ta’ suċċess ta’ karozza Ferrari għal disa’ snin f’Monza, bl-istennija issa estiża għal sena oħra.

Wara r-raba’ post ta’ Vettel, il-ħames spiċċa Max Verstappen, isegwu Romain Grosjean fuq Haas, Esteban Ocon fuq Force India, Sergio Perez Force India, Carlos Sainz fuq Renault u u Lance Stroll fuq Williams fl-10 post.

Fil-klassifika parzjali tas-sewwieqa wara 14 -il Grand Prix l-ewwel Hamilton b’256 punt, Vettel 226 punt u Raikonen 164 punt.
Fil-klassifija parzjali tat-teams Mercedes 415 punt, Ferrai 390, u Red Bull 248.

Il-Grand Prix li jmiss isir f’Singapore fl-14 ta’ Settembru.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Formula 1

Lewis Hamilton rebaħ il-Grand Prix tal-lum f’Singapore biex żied il-vantaġġ tiegħu f’ras il-klassifika tas-sewwieqa tal-kampjonat mondjali għal 40 punt fuq Sebastian Vettel ta’ Ferrari. Hamilton baqa’ kalm u konsistenti sal-aħħar…

Formula 1

Lewis Hamilton u l-Mercedes reġgħu għamlu l-aħjar ħin fil-provi uffiċjali biex għada l-Ħadd se jitilqu mill-Pole Position tal-Grand Prix ta’ Singapore. L-Ingliż, li jinsab 30 punt vantaġġ fuq Sebastian Vettel,…

Formula 1

Formula 1: Hekk kif illum bdew il-provi tal-Grand Prix ta’ Singapore is-sewwieq tas-Sauber Charles Leclerc li se jkun qed jingħaqad mal-Ferrari mill-istaġun li ġej flok Kimi Raikkonen ikkraxxja u għamel…

Formula 1

Formula 1: Hekk kif il-kampjonat ta’ din is-sena jinsab fl-aqwa tiegħu it-team Mc Laren ippreżenta uffiċjalment lis-sewwieq Lando Norris li se jkun qed jidebutta minn staġun ieħor mat-team. Norris ta’…

Aktar