Futbol lokali
Life after Football: Proġett tal-ewwel xorta tiegħu f’Malta mniedi mill-MFPA

L-Assoċjazzjoni tal-Players tal-Football l-MFPA iffirmat ftehim ta’ koperazzjoni mal-MCAST u mal-ITS żewġ entitajiet edukattivi f’pajjiżna bil-għan li players tal-football jibdew jattendu għal xi wieħed mill-korsijiet li joffru.

L-Iskop prinċipali hu sabiex il-players ikollhom edukazzjoni u kwalifiċi neċċessarji sabiex wara li jtemmu l-karriera jkunu jistgħu jsibu mpjieg adekwat.

F’Konferenza Stampa l-Presidnet tal-MFPA l-Avukat Anthony Galea rrimarka li hu fatt li wara li player jagħlaq il-35 sena hu jibda jaħseb biex jieqaf jilgħab u allura jibda jfittex alternattiva għall-għixien tiegħu.

Dr Galea qal li din hi ġurnata importanti oħra fl-istorja tal-MFA sa kemm ilha mwaqqfa l-assoċjazzjoni seba’ snin ilu. Dan il-proġett Life after Football li qed isir bil-kollaborazzjoni ta’ dawn iż-żewġ entitajiet edukattivi jsegwi tragwardi importanti oħra tal-MFA bħall-introduzzjoni tal-polza tal-assigurazzjoni kollettiva għall-membri u l-introduzzjoni tal-Masters degree grazzi għal FIFPRO.

Carlo Mamo Segretarju Ġenerali tal-MFPA spjega li fl-ewwel sena il-preferenza se tingħata lill-players applikanti li għandhom kuntratt full-time mal-Clubs lokali. Hu rrimarka li kemm l-MCAST kif ukoll l-ITS qed jikomettu ruħhom li jkunu flessibli mal-players li jittrenjaw filgħodu fejn il-lectures tagħhom jistgħu jkunu aġġustati għal ħinijiet konvenjenti għalihom.

Il-Memorandum of Understanding tal-MCAST mal-MFPA kien iffirmat mis-Sur Victor Satariano Viċi President tal-Bord tal-Gvernaturi tal-MCAST filwaqt li l-Memorandum of Understanding tal-ITS mal-MFPA kien iffirmat minn Carlo Micallef Chairman tal-Bord tal-Gvernaturi ta’ din l-istituzzjoni edukattiva.

Apparti support amministrattiv lill-players applikanti prospettivi l-MFPA se tkun qed tagħti wkoll €100 fix-xahar lil kull player student u €500 ta’ darba biex l-istudent ikopri l-ispejjeż relatati mal-istudju tiegħu apparti l-istipendju fix-xhar li toffri l-entita’ edukattiva.

Preżenti wkoll għal din l-ativita’ kien hemm il-Kap Eżekuttiv tal-ITS Pierre Fenech u d-Direttur tal-Partnerships Office Louis Aquilina.

Miktub minn...
TVM Sport
.
Aħbarijiet Oħra
Futbol lokali

Il-plejers u membri tal-istaff tekniku tat-tim nazzjonali Malti tal-futbol, dalgħodu għamlu ġest ta’ kuraġġ għal Jurgen Degabriele, l-attakkant ta’ Hibernians FC li weġġa’ fil-partita tas-Sibt li għadda mill-Kampjonat BOV Premier…

Futbol lokali

Għaxar plejers tal-Kampjonat BOV Premier ġew sospiżi partita mill-Kummissarju tad-Dixxipplina tal-Malta Football Association. Mosta FC għandhom sospiżi żewġ plejers; lil Juri Cisotti u lil Gianluca Cuomo. Plejers oħra li ġew…

Futbol lokali

Ħamsa u għoxrin sena wara r-rebħa storika ta’ Malta kontra l-Belġju fl-istadium nazzjonali f’Ta’Qali bl-iskor ta’ 1-0, Carmel Busuttil tkellem pubblikament għall-ewwel darba u ammetta li Raymond Vella, ‘il-Mundu’, kien…

Futbol lokali

L-ex President ta’ Floriana FC, uża l-paġna personali tiegħu ta’ facebook biex dalgħodu kiteb messaġġ lill-partitarji kollha tal-klabb. F’dan il-messaġġ, Said qal li fl-aħħar xhur, ġimgħat u jiem, diversi partitarji…

Aktar