Futbol internazzjonali
Lionel Messi jirbaħ is-sitt Ballun tad-Deheb fil-karriera

Lionel Messi rebaħ il-Ballun tad-Deheb għas-sitt darba fil-karriera tiegħu. L-għażla finali kienet bejn l-Arġentin, l-Olandiż Virgil van Dijk, il-Portugiż Cristiano Ronaldo u s-Senegaliż Sadio Mané. Għal Messi dan kien unur ieħor wara nuqqas ta’ erba’ snin għaliex kien fl-2015 li rebaħ il-ħames Ballun tad-Deheb. L-unuri l-oħra rebaħhom fl-2009, 2010, 2011 u 2012.

Fit-tieni post spiċċa l-plejer ta’ Liverpool, l-Olandiż Virgil van Dijk filwaqt li Cristiano Ronaldo spiċċa fit-tielet post.

L-Amerikana Megan Rapinoe temmet is-sena b’suċċess ieħor fil-karriera tagħha, fejn wara li rebħet it-Tazza tad-Dinja mal-Istati Uniti, issa rebħet ukoll il-Ballun tad-Deheb. Rapinoe li għandha 34 sena għelbet l-isfida tan-Norveġiża Ada Hegerberg li ma kenitx parti mit-Tazza tad-Dinja.

Il-goalkeeper ta’ Liverpool Alisson Becker rebaħ il-Yashin Trophy, unur li ngħata għall-ewwel darba għall-aqwa goalkeeper tas-sena. L-Olandiż u plejer ta’ Juventus Matthijs de Ligt rebaħ l-unur tal-aqwa plejer taħt il-21 sena.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Il-manager ta’ Liverpool Jurgen Klopp ikkonferma li għar-replay bejn Liverpool u Shrewsbury Town ser jilagħbu ż-żgħażagħ tat-tim u hu mhux ser ikun qiegħed imexxi lill-iskwadra imma ser iħalli f’idejn il-coach…

Futbol internazzjonali

Napoli 2   Juventus 1 Tasal it-tieni telfa ta’ Juventus fis-Serie A, telfa pjuttost sorpriża kontra Napoli fis-San Paolo, meta wieħed iqis il-perjodu li għaddejjin minnu n-Naplitani. Il-gowls kollha kienu skurjati…

Futbol internazzjonali

Kampjonat Taljan, Serie A: Diversi partiti llum wara nofsinhar mill-21 ġurnata. Fil-partita li ntlagħbet kmieni wara nofsinhar, pass falz ieħor minn Inter li f’darhom ħadu punt biss fi draw ta’…

Futbol internazzjonali

Barcelona jidhru interessati fi Christian Eriksen ta’ Tottenham Hotspur, tant li tkellmu mal-klabb Ingliż biex jiċċekkjaw jekk jistgħux jitkellmu mal-plejer innifsu. Min-naħa tiegħu, Eriksen tkellem maċ-chairman Daniel Levy nhar it-Tlieta…

Aktar