Ċikliżmu
Luttu fiċ-Ċikliżmu Malti

Dan l-aħħar tħabbru l-imwiet tal-aħwa Nenu u Sebastian Borg, ex-membri tal-klubb ta’ Qormi CC li ftit ilu ħallew din id-dinja fi spazju ta’ ftit jiem fl-għomor ta’ 81 u 71 sena rispettivament.

Antonio Borg magħruf bħala Nenu, flimkien ma’ Joseph Abela u Paul Attard kienu l-ko-fundaturi tal-klubb ta’ Qormi CC meta fid-9 ta’ April 1961, mħeġġa minn għadd żgħir ta’ dilettanti taċ-Ċikliżmu waqqfu dan il-klabb li tant kien attiv fl-ewwel snin tal-ħolqien tal-Assoċjazzjoni taċ-Ċikliżmu. Minkejja d-diffikultajiet kbar u bosta spejjeż huma xorta waqqfu l-klubb u dan seħħ wara li huma isselfu kamra żgħira f’ħanut tar-roti mmexxi mill-familja ta’ Nenu Borg. B’hekk iċ-ċikliżmu f’Ħal Qormi kiber ħafna u dan grazzi wkoll għas-suċċessi li bdew jiksbu ċ-ċiklisti tagħhom fit-tiġrijiet ewlenin lokalment.

Sebastian Borg, minn naħa tiegħu kien wieħed miċ-ċiklisti ewlenin tal-bidu fejn anke rrapreżenta lil Malta f’diversi okkażjonijiet fosthom fil-logħob pre-olimpiku li kien sar f’ Munich, il-Ġermanja.

Il-Federazzjoni Maltija taċ-Ċikliżmu tibghat l-kondoljanzi sinċiera tagħha lil familjari, qraba u ħbieb, kif ukoll lil Qormi Cycling Club għal dawn it-telfiet.

 

Miktub minn...
TVM Sport
.
Aħbarijiet Oħra
Ċikliżmu

Chris Froome ser jerġa’ jirritorna fit-tlielaq tar-roti wara li f’Ġunju li għadda kellu inċident ikrah waqt it-tellieqa tal-Criterium du Dauphin. Dakinhar Froome kellu inċident li wasslu sabiex kiser diversi partijiet…

Ċikliżmu

Caleb Ewan rebaħ it-tieni stadju tat-Tour Down Under bi sprint finali biex issa akkwista wkoll il-jersey il-kannella. It-tieni stadju kien karatterizzat minn inċident żewġ kilometri qabel it-tmiem li ħalla ftit…

Ċikliżmu

It-Trustmoore National Point Series, organiżżata mill- Assoċjazzjoni Maltija tal-Mountain Bike, ingħatat bidu nhar il-Ħadd li għadda b’numru rekord ta’ parteċipanti li ħadu sehem f’diversi kategoriji, fosthom il-Klassi Novice, kategorija ġdida…

Ċikliżmu

Tħabbret il-mewt ta’ Mario Iriolo, ex-Segretarju tal-Federazzjoni Maltija taċ-Ċikliżmu fl-għomor ta’ 68 sena. Huwa kien attiv ħafna fil-kommunità Mostija fejn għamel ħafna ġid fosthom fl-istess Federazzjoni tagħna, f’għaqdiet tal-parroċċa Mostija, f’oqsma…

Aktar