Tennis
Magħrufa s-semifinalisti fil-kompetizzjoni tan-nisa f’Wimbledon

F’Wimbledon illum kienu magħrufa l-erba’ semifinalisti tas-singles tan-nisa.

Serena Williams kellha titħabat bis-sħiħ biex eliminat lill-Amerikana Alison Riske u b’hekk tgħaddi għas-semifinali.

Serena Williams rebħet l-ewwel set 6-4, ida Riske li fir-rawnd preċedenti eliminat lin-numru wieħed tad-dinja Ashleigh Barty, kellha ritorn qawwi u rebħet it-tieni set 6-4. Fit-tielet set deċiżiv Riske tat battalja iżda finalment kellha tbaxxi rasha għall-esperjenza ta’ Serena Williams li rebħet it-tielet set 6-3.

Kellha passaġġ ferm iktar faċli għas-semifinali Simona Halep li ħadet biss siegħa u nofs biex għelbet liċ-Ċiniża Zhang 7-6, 6-1.

Għaddiet ukoll mal-aħħar erbgħa l-Ukrena Elina Svitolina li għelbet lil Karolina Muchova 7-5, 6-4 u issa fis-semifinali tilgħab kontra Simona Halep.

L-aħħar semifinalista hi Barbora Strycova li għelbet f’żewġ sets 7-6, 6-1, lill-Brittanika Johanna Konta. L-avversarja għal Strycova fis-semifinali hi issa Serena Williams.

Illum jintlagħbu l-logħbiet tal-kwartifinali tal-kompetizzjoni tal-irġiel fejn Djokovic jilgħab kontra Goffin, Guido Pella jiltaqa’ kontra Bautista Agut, Kei Nishikori jilgħab kontra Roger Federer u Sam Querrey jilgħab kontra Rafael Nadal.

Miktub minn...
Chris Cassar
Aħbarijiet Oħra
Tennis

Il-Presidenza Rumena u l-Knisja Ortodossa onoraw lil Simona Halep , iċ-champion tat-tennis femminili ta’ Wimbledon għall-unur li ġabet lejn pajjiżha wara r-rebħ tal-finali tas-Sibt li għadda kontra Serena Williams. Halep…

Tennis

Novak Djokovic huwa r-rebbieħ tat-tournament ta’ Wimbledon għal din is-sena wara finali li ħalliet lil kulħadd bla nifs u li damet sejra ħames sigħat. Novak Djokovic u Roger Federer kienu…

Tennis

Tennis: Simona Halep kitbet paġna ġdida fl-istorja ta’ Wimbledon hekk kif saret l-ewwel tennista Rumena li rebħet it-titlu prestiġjuż ta’ dan il-Grand Slam b’rebħa f’żewġ sets ta’ 6-2, 6-2 kontra…

Aktar