Darts
Malta International Darts Open: It-tħejjijiet jinsabu fl-aqwa tagħhom

Il-Malta International Darts Open tibda għada t-Tlieta 14 ta’ Novembru mis-6.00pm ‘il quddiem fil-Kumpless Sportiv tal-Kottonera.

Il-Malta Darts Association, bl-għajnuna ta’ ħafna persuni oħra, tinsab għaddejja fl-aqwa tagħha biex sa għada kmieni wara nofsinhar, kollox ikun lest u f’postu għal dan it-tournament prestiġġjuż ta’ livell Ewropew. SportMalta offriet is-sala tal-kumpless lill-Malta Darts Association biex tkun tista’ torganizza tournament ta’ dan il-livell.

Illum, f’Malta, bdew jaslu l-plejers professjonali u semi professjonali li se jkunu qegħdin jikkompetu fil-Malta International Darts Open 2017.

TVM Sport jinsab infurmat li b’kollox se jikkompetu minn barra mal-290 plejer raġel u 80 mara għal total ta’ 370 plejer barrani. Magħhom se jikkompetu l-Maltin biex it-total tal-plejers li se jipparteċipaw għal din il-Malta Open tad-darts ta’ din is-sena se jaqbeż il-500 plejer.

Fost il-plejers li se jkunu f’pajjiżna, wieħed isib lil Ritchie Edwards, Champion tad-darts ta’ Wales u lil Lisa Ashton, l-Ingliża Champion tad-Dinja preżenti.

Il-Malta International Darts Open għandha premijiet ta’ €10,700 fi flus kontanti u r-rebbieħ tal-finali tal-Men’s Singles jieħu miegħu d-dar ċekk ta’ €3,500.

Il-Malta International Darts Open tintemm il-Ħamis tard filgħaxija bil-finali kollha.

Il-pubbliku Malti mħeġġeġ jattendi u jagħti l-appoġġ tiegħu lill-plejer Maltin. Id-dħul fil-kumpless sportiv tal-Kottonera hu mingħajr ħlas.

TVM2 se jkun qed iwassal xandira estensiva dwar il-Malta International Darts Open 2017, bil-finali kollha li se jintwerew f’forma ta’ kummentarju.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Darts

Miet Eric Bristow, il-plejer leġġendarju Ingliż tad-darts. Hu kellu 60 sena u Bristow miet wara attakk tal-qalb li tah il-Ħamis filgħaxija. Id-diżgrazzja seħħet ftit wara li Bristow kien għadu kemm…

Darts

Ir-rebħa ta’ Kalkara St. Joseph fil-konfront dirett kontra Mosta Horseshoe Bar A bir-riżultat ta’ 6-2 u r-rebħa ta’ Floriana Ajax A, kienet tfisser li l-kampjonat tal-ewwel diviżjoni issa qegħdin naraw…

Darts

Bil-kampjonat wieqaf għal din il-ġimgħa, l-attenzjoni waqgħet fuq l-aħħar tournament ta’ kwalifikazzjoni għall-Premier League. B’post wieħed vakanti, Godfrey Abela rebaħ il-finali kontra Gordon Stanmore bl iskor ta’ 3-0. Issa il-line…

Aktar