Boxing
Manny Pacquiao ffukat fil-ġlieda kontra Adrien Broner imma ma jeskludiex li jidħol fit-tellieqa għal President tal-Filippini

Manny Pacquiao, il-boxer Filippin li x-xahar li għadda għalaq 40 sena, qal li qiegħed jikkunsidra l-ħajja wara r-ring, meta bħalissa huwa ffukat fil-ġlieda li għandu kontra Adrien Broner. Iċ-ċampjin dinji tal-WBA Welterweight jaf li ser ikollu ġlieda diffiċli kontra Broner f’Las Vegas fid-19 ta’ dan ix-xahar.

Pacquiao qal li għalissa għad m’għandu l-ebda ġlidiet oħra ippjanati, u ser jieħu ġlieda ġlieda minn hawn ‘il quddiem anke minħabba l-età tiegħu. Pacquiao, magħruf ukoll bħala “PacMan” huwa magħruf għan-knockouts li jagħti lill-avversarji tiegħu, biss fl-aħħar ġlidiet li kellu ma rnexxilux jagħmel dan, sakemm f’Lulju li għadda ħasad għal kollox lil Lucas Matthysse meta fis-seba’ round fi Kuala Lumpur tah knockout biex rebaħ it-titlu.

Manny Pacquiao jinteressa ruħu wkoll fil-politika, u fil-preżent huwa senatur fil-Filippini u fil-preżent qiegħed iħammem jekk fl-2022 jippruvax jidħol fit-tellieqa għal President. Hu kkonferma li fil-preżent mhuwiex qiegħed jaħseb daqshekk fuq il-fatt li jilħaq President, imma hija possibiltà li għad għandu ċans jaħseb dwarha fix-xhur li ġejjin.

Pacquiao mhuwiex interessat li jieħu sehem fi ġlied t’esebizzjoni bħalma qiegħed jagħmel Floyd Mayweather u l-Filippin qal li kieku hu ma jiġġilidx fi ġlied simili bħalma ġġieled Mayweather fl-aħħar ġurnata tas-sena li għaddiet kontra l-Ġappuniż Tenshin Nasukawa.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Il-mara tal-ex champion tal-Formula 1 Michael Schumacher tkellmet dwar is-saħħa ta’ żewġha u f’kummenti li tat waqt intervista reġgħet xegħlet it-tama li s-sewwieq Ġermaniż jista’ jkun li qiegħed jirkupra tajjeb….

Sports Internazzjonali

Il-Prim Ministru Kanadiż Justin Trudeau ħareġ jiċċelebra flimkien ma’ 2 miljun ruħ għar-rebħ tal-NBA mit-Toronto Raptors. Skont il-Prim Ministru Kanadiż, din ma kenitx biss rebħa ta’ tim, imma rebħa ta’…

Boxing

Kollox lest għall-ġlieda boxing bejn Tyson Fury u Tom Schwarz. Dawn it-tnejn se jkunu qed jiġġieldu fi ġlieda li mhux se jkun fiha ebda titlu iżda mondjali, iżda se tkun qed…

Sports Internazzjonali

Skont il-magazine Forbes, Lionel Messi hu l-aktar sportiv li qala’ flus tul is-sena li għaddiet. Messi, li skurja 36 gowl u għen lil Barcelona jirbħu l-kampjonat, matul is-sena li għaddiet…

Aktar