Futbol lokali
Mario Muscat jista’ jinħatar kowċ ta’ Senglea Athletic FC fis-sigħat li ġejjin; l-ex plejer nazzjonali Darren Debono fil-Kumitat

Mario Muscat, l-ex gowlkiper nazzjonali u kowċ ta’ Qormi FC, jista’ jinħatar kowċ ta’ Senglea Athletic FC fis-sigħat li ġejjin.

TVM Sport jista’ jikkonferma din l-aħbar hekk kif persuni Qriema midħla sew tal-klabb, ikkonfermaw li llejla hemm skjedata laqgħa bejn Victor Camilleri, il-President ta’ Qormi FC u l-kowċ tiegħu.

F’din il-laqgħa, Muscat mistenni jitlob li jinħall mill-kuntratt tiegħu biex mill-ġdid jerġa’ jikkowċja fil-kampjonat BOV Premier. Minbarra Senglea Athletic FC, jista’ jkun li hemm klabb ieħor tal-Premier interessat f’Muscat.

Jidher li l-klabb ta’ Senglea Athletic FC se jibda jinvesti bis-serjetà biex isaħħaħ l-iskwadra għall-istaġun il-ġdid.

Fil-Laqgħa Ġenerali Annwali li saret ilbieraħ ġie ppreżentat il-Kumitat il-ġdid għall-istaġun li ġej.

Fost il-persuni fuq il-mejda jindirizzaw il-Laqgħa kien hemm l-ex plejer ta’ Valletta u tat-tim nazzjonali Malti Darren Debono. L-ex difensur nazzjonali lagħab snin twal fil-futbol Malti u internazzjonali u għandu esperjenza kbira tal-plejers lokali kollha u tal-mod kif jitmexxa l-futbol mil-lat professjonali.

Debono hu ħabib intimu tal-President Dr Rueben Debono u proprju ta’ Mario Muscat, li jista’ jkun il-kowċ il-ġdid.

Ikkuntattjat minn TVM Sport, Dr Rueben Debono, President ta’ Senglea Athletic ikkonferma l-aħbar ta’ Darren Debono u kkonferma wkoll l-interess f’Mario Muscat.

Miktub minn...
TVM Sport
Aħbarijiet Oħra
Futbol lokali

Bejn illejla u nhar il-Ħadd li ġej tintlagħab ir-raba’ ġurnata tal-Kampjonat BOV Premier. S’issa, it-tim promoss ta’ Sirens flimkien ma’ Senglea A. u Floriana jinsabu fil-quċċata tal-klassifika, kollha b’7 punti,…

Futbol lokali

Emmanuel Bartolo, gowlkiper ta’ Hamrun Spartans u Destin Mambouana, plejer ta’ Tarxien Rainbows, ġew sospiżi partita mill-Kummissarju tad-Dixxipplina tal-Malta Football Association. Iż-żewġ plejers iridu jiskontaw il-partita li jmiss mill-Kampjonat BOV…

Futbol lokali

KAMPJONAT BOV PREMIER 2019/20 VALLETTA FC……….1 FLORIANA FC………1 Quddiem folla ta’ madwar 3,800 spettatur ir-rivali Valletta u Floriana ħadu punt kull wieħed hekk kif il-Beltin ġabu l-goal tad-draw fl-aħħar sekondi…

Futbol lokali

KAMPJONAT BOV PREMIER 2019/2020 Gudja Utd……1 St Lucia……..1 Wara 6 minuti logħob xutt ta’ David Mendoza spiċċa ftit barra. Fl-20 minuta xutt tas-sostitut Omar Elouni ġie salvat mill-goalkeeper Debono. Fis-27…

Aktar