Għawm
Marsaxlokk ASC: Kisbiet rekord fil-Guess International Easter Meet

Marsaxlokk ASC jista’ jkun l-iżgħar club tal-għawm f’Malta, iżda d-daqs ma jidhirx li huwa importanti għal din l-iskwadra determinata li għal darb’oħra halliet impatt fil-25 Guess International Swim Meet, li saret f’TalQroqq fil-weekend li għadda.

Hadu sehem total ta’ 367 atleti inkluż għawwiema mill-Olanda, ir-Renju Unit, l-Italja u s-Slovenja. Marsaxlokk ħadu sehem f’60 tiġrija hu ħadu 19-il Midalja tad-Deheb, disa’ fidda u 10 midalji tal-bronż.

Kimberly Cachia Castelletti, ta’ 20 sena, għamlet Rekord Nazzjonali ġdid fil-50m Butterfly. Mument storiku għall-klabb ta’ Marsaxlokk, bla preċedent. B’ħin ta’ kważi sekonda mill-ħin li kellha qabel. Ir-rekord preċedenti ta’ 28.77 sekonda kienstabbilit minn Nicola Muscat fl-2014.

L-għawwiema bniet ta’ Marsaxlokk ħadu sehem għall-ewwel darba fir-relays. Dawn kienu Kimberly Cachia Castelletti, Lisa Cini, Sasha Gatt u Alexandra McGonigle. Huma ħadu l- fidda fil-4 x 100m freestyle, it-tieni wara l-iskwadra Nazzjonali tal-ASA. Fit-4 x 200m freestyle ħadet sehem Maya Schembri Rodgers minflok Alexandrea McGonigli. Hawnhekk reġgħu ħadu Midalja tal-Fidda.

Erba’ Easter meet records ġew magħmula minn Alexandra McGonigle u Razvan Rath. McGonigle ddominat l-avvenimenti kollha tal-breaststroke. Hi rebħet il-50 metru, l-100 metru u anki 200 metru. Rath għamel rekord fil-50 metru breaststroke.

Bl-appoġġ sod tal-coaches Catalin Stan u Nigel McCarthy, ħafna mil-membri tal-iskwadra rreġistraw personal bests. Xi wħud minnhom tejbu l-ħinijiet tagħhom li kienu għadhom kemm kisbu f’kompetizzjonijiet internazzjonali reċenti li saru tliet ġimgħat ilu fil-Ġermanja u fl-Iżvizzera.

Bl-isforzi tal-iskwadra ta’ Marsaxlokk ASC huma kisbu t-tielet post minn 25 klabbs parteċipanti. L-għawwiema, Sasha Gatt ġiet magħżula mill-Malta Olympic Committee biex tieħu sehem fil-Logħob li jmiss tal-COJI fi Sqallija.

Miktub minn...
TVM Sport
Aħbarijiet Oħra
Għawm

It-tliet darbiet ċampjin Olimpika, Katinka Hosszu, rebħet tlett itlielaq f’temp ta’ ġurnata fil-Lausanne Swim Cup. Hosszu bdiet bl-ewwel rebħa fil-200 metru backstroke, li għamlitha f’temp ta’ 2 minuti, 3.65 sekondi….

Għawm

Għawm Sinkroniżżat: Ħames għawwiema Maltin irnexxielhom jispiċċaw fit-tielet post fis-sitt edizzjoni tal-Open tal-Ukrajna li sar f’Karkiv fi tmiem il-ġimgħa. Alessia Cardona Taliana min naħa tagħha temmet ukoll fit-tielet post fil-kompetizzjoni…

Għawm

Il-Franċiż Ben Lecomte kien sfurzat jirtira mill-għawma li kien qiegħed jagħmel fl-oċean Paċifiku wara li d-dgħajsa li kienet qiegħda tassistieh inqalgħatilha l-ħsara wara maltempata. Lecomte kien qiegħed jagħmel din l-għawma…

Aktar