Futbol lokali
MFA: l-ewwel laqgħa tal-kunsill tal-presidenza Bjorn Vassallo
Amnestija totali lil players u uffiċjali f'każi ta' dixxiplina

Il-kunsill tal-Malta Football Assocation illum iltaqa’ għall-ewwel darba taħt il-presidenza ġdida ta’ Bjorn Vassallo.

Vassallo inħatar president tal-MFA għal mandat ta’ erba’ snin wara li f’elezzjoni x-xahar li għadda għeleb il-kandidatura ta’ Dr Chris Bonett għall-ogħla kariga fi ħdan l-assoċjazjoni.

Il-kunsill fil-fatt illum adotta d-dokument fil-proposti ta’ Bjorn Vassallo bħala l-istrateġija uffiċjali tal-MFA. Il-kunsill ġie mgħarraf li fi ħdan l-assoċjazzjoni inħatret Strategy Officer: Dr Dawn Aquilina: propju bl-inkarigu li timplimenta l-mandat.

Fl-ewwel diskors tiegħu lill-kunsilliera Bjorn Vassallo emfażizza li dak li sar sar, u t-triq ‘il quddiem hija fl-għaqda. Qal li fil-jiem li għaddew iltaqa’ ma’ Chris Bonett : u fil-waqt li wegħdu li t-tajjeb tiegħu mhux se jarmih, Dr Bonett wiegħed lilu appogg fl-iżvilupp tal-football Malti. Bjorn Vassallo qal li ħadd m’għandu jistenna li jinbidel kollox f’salt, imma jrid jibni amministrazzjoni b’saħħitha biex it-tibdil li hemm bżonn, isir.

Fost punti li ħarġu mil-laqgħa tal-kunsill illum kien hemm amnestija totali mogħtija fil-każi kollha dixxiplinari lil players u uffiċjali. Dan jgħodd għall-karti ħomor u sofor kif ukoll għas-sospensjonijiet kollha fuq tul ta’ żmien, ħlief f’każi ta’ korruzzjoni, doping, u integrità. Il-proposta għaddiet wara vot miftuħ.

Il-kunsill ġie aġġornat bid-diskussjonijiet mal-FIFA dwar il-parametri, li se jitneħħew għal kollox sal-bidu tal-istaġun 2020-21: u dwar il-kalendarju tal-fixtures, li dwaru kien hemm qbil li jibda jinħareġ darbtejn fis-sena, fil-bidu ta’ kull round, għad-diviżjonijiet kollha.

Kien hemm diskussjoni anke dwar il-fixtures tal-Youths fejn issemmiet il-possibilta’ li eventwalment il-logħob jirritorna għall-weekend minflok fost il-ġimgħa. Fir-rigward tat-team nazzjonali Under 19 tħabbar li mill-istaġun 2020-21 il-Kampjonat Ewropew tal-kategorija se jkollu format ġdid fejn it-team jieħu sehem fi tliet mini tournaments ta’ erba’ pajjiżi, li jiggarantixxi disa’ logħbiet minflok it-tlieta ta’ bħalissa.

Il-kamponat tal-football tan-nisa se jibda jintlagħab fuq tliet rounds, bit-timijiet kollha jilagħbu kontra xulxin, minflok il-format attwali b’erba’ rounds fejn il-kampjonat kien jinqasam f’żewġ diviżjonijiet wara l-ewwel tnejn.

Il-kunsill ingħata dettalji tal-membru kollha li nħatru fuq il-bordijiet varji tal-MFA. L-ex-president Norman Darmanin Demajo żamm il-kariga tiegħu fil-kumitat tal-Football Social Responsibility. Darmanin Demajo inħatar President Onorarju tal-MFA: waqt li l-ex-viċi president Alex Manfrè inħatar membru onorarju.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

Kellhom jgħaddu 27 sena mill-aħħar kampjonat mirbuħ minn Floriana fl-istaġun 1992/93 meta dakinhar kien refa’ t-Tazza tal-Kampjonat il-mibki David Cluett sabiex il-Furjaniżi sa fl-aħħar jerġgħu jgħollu t-Tazza ta’ Champions tal-Football…

Futbol lokali

Is-Sibt wara nofsinhar saret il-preżentazzjoni tat-trofew ta’ Champions tal-Futsal Elite League lil Luxol Futsal li rebħu dan il-kampjonat tal-istaġun 2019/20. Luxol dan l-istaġun rebħu double partikolari hekk kif apparti li…

Futbol lokali

Attard FC is-Sibt filgħaxija kienu ppreżentati bit-Tazza ta’ Champions tal-Kampjonat BOV tat-Tielet Diviżjoni għall-istaġun 2019/20. Il-Preżentazzjoni lil-captain tat-team Nigel Spiteri imdawwar bi sħabu l-players u membri tal-kumitat saret mill-President tal-MFA…

Futbol lokali

Waslet il-ġurnata li tant ilhom jistennew il-Furjaniżi hekk kif is-Sibt filgħaxija fil-Floriana saru ċ-ċelebrazzjonijiet uffiċjali tar-rebħ tal-kampjonat għall-istaġun 2019/20 wara l-preżentazzjoni uffiċjali tat-Tazza tal-Kampjonat BOV Premier tal-istagun 2019/20. Għal ħabta…

Aktar