Formula 1
Michael Schumacher jagħlaq 50
Id-dinja tal-Formula 1 tiċċelebra s-suċċessi tal-ex-champion

Il-leġġenda tal-Formula 1 Michael Schumacher għada jagħlaq 50 sena: bil-familja tiegħu tgħid li se tiċċelebra s-suċċessi, ir-rekords, u l-ferħ tal-ex-sewwieq seba’ darbiet champon tad-dinja.

Schumacher kien sofra ġrieħi gravi f’rasu u waqa’ f’koma f’inċident tal-iskiing fid-29 ta’ Diċembru 2013, u għadu qatt ma deher fil-pubbliku minn dakinhar. Huwa qed jingħata kura d-dar tiegħu l-Iżvizzera, imma ftit huwa magħruf dwar il-qagħda ta’ saħħtu.

Il-familja tiegħu assigurat li jinsab f’idejn tajba u li qed isir kull ma hu umanament possibbli biex jingħata għajnuna. Qalet ukoll li s-silenzju dwar il-każ huwa skont ix-xewqat li dejjem wera s-sewwieq stess.

Michael Schumacher ma’ martu Corinne

Fil-Mużew tal-Ferrari f’Maranello għada se tiftaħ wirja speċjali dwar Schumacher: waqt li l-familja tiegħu se toħroġ l-Official Michael Schumacher App li se tkun mużew virtwali tal-kisbiet tal-ex-champion. L-amministrazzjoni tal-Formula 1 ukoll se tiddedika ġimgħa lil Michael Schumacher fuq il-mezzi tal-media soċjali tagħha.

Fil-karriera minbarra rekord ta’ seba’ titli tad-dinja – tnejn mal-Benetton u ħamsa mal-Ferrari – Schumacher rebaħ rekord ta’ wieħed u disgħin tellieqa. Fost rekords oħra, għamel ħmistax-il staġun konsekuttiv b’suċċess fi Grand Prix, u spiċċa mal-ewwel tlieta sbatax-il darba fi sbatax-il tellieqa fi staġun wieħed.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Formula 1

Fil-Ġappun, il-Mercedes rebħu s-sitt kampjonat konsekuttiv tal-kostrutturi wara li s-sewwieqa tagħhom spiċċaw l-ewwel u t-tielet, bil-Ferrari jkollhom tellieqa oħra pjuttost diżappuntanti wara li Vettel u Leclerc telqu mill-ewwel żewġ postijiet…

Formula 1

It-tifun Hagibis m’affettwax biss it-Tazza tad-Dinja tar-Rugby imma anke l-Fornula 1. Sa mill-bidu tal-ġimgħa, it-temp kien wieħed mill-aktar fatturi li tkellmu dwaru l-mekkaniċi u s-sewwieqa, u tant li l-Ġimgħa filgħodu…

Formula 1

Matul il-ġurnata tal-Erbgħa f’Londra, sar it-tieni avveniment tal-E-Sports Formula 1 bi tlett itlielaq oħra ta’ dan l-istaġun virtwali. Il-Grand Prixs kienu tal-Kanada, l-Awstrija u l-Ingilterra. Fit-tlett itlielaq kien hemm rebbieħa…

Formula 1

Wara d-dominju ta’ Charles Leclerc fl-aħħar Grand Prix, il-Mercedes jirritornaw bil-kbir billi jirreġistraw l-aħjar postijiet bl-ewwel u t-tieni post f’Sochi li kien is-16 il-GP tal-istaġun. Lewis Hamilton irritorna għar-rebħ meta…

Aktar