Bowling
Midalja oħra għal Sara Xuereb

Sara Xuereb rebħet midalja oħra fi Vienna meta spiċċat fit-tielet post fil-Masters tal-bowling li ntlgħabu fl-egħluq tal-Kampjonati Ewropej taż-żgħażagħ. Wara li kkwalifat fl-14 il-post minn 65 plejer, fl-ewwel logħba għelbet lill-Ingliża Lucy Williams 2-0, u kompliet bl-istess riżultat kontra l-Finlandiża Peppi Konsteri. Fil-kwarti tal finali, wara bidu xi ftit kwiet fejn tilfet l-ewwel logħba, Xuereb rebħet it-tieni u t-tielet logħba kontra l-isvediza Nora Johansson biż-żewġ logħbiet ikunu missielta sa l-aħħar. Fis-semi finali, Sara lagħbet kontra it-tieni Svediza, Hanna Engberg, fejn tilfet l-ewwel logħba iżda rebħet it-tieni logħba biex sfurzat decider. Dan kien deċiz fl-ahhar żewġ frames fejn Engberg spiċċat b’sensiela ta’ strikes biex għelbet lil Sara 224-194. Fil-final l-Ingliza Isabel Allen għelbet lil Engberg biex ħadet il-midalja tad-deheb. Sara tirritorna Malta b’żewġ midalji fiz-żewġ kompetizzionijiet li setgħet tieħu sehem f’dawn il-kampjonati.

Miktub minn...
TVM Sport
.
Aħbarijiet Oħra
Ċikliżmu

Fil-11-il stadju tal-Giro d’Italia, l-Awstraljan Caleb Ewan kellu sprint mill-aqwa biex ħareġ rebbieħ quddiem il-Franċiż Arnaud Demare. L-Awstraljan t’24 sena rebaħ it-tieni stadju personali f’dan il-Giro, wara li kien rebaħ…

Żwiemel

Bejn l-24 u l-31 ta’ Mejju fl-Isvezja ser ikun qed isir il-Kampjonat Dinji għal sewwieqa professjonali bis-serkin fejn Malta ser tkun irrappreżentata minn Rodney Gatt li s-sena l-oħra irnexxielu jkun…

Ċikliżmu

Il-Franċiż Arnaud Demare rebaħ l-għaxar stadju tal-Giro d’Italia, l-ewwel rebħa f’din it-tellieqa fil-karriera tiegħu. Id-distanza kienet ta’ 145 kilometru minn Ravenna. It-Taljan Elia Viviani daħal fit-tieni post filwaqt li l-Awstraljan…

Motorsport

Id-dilettanti tal-motorsport, b’mod speċjali dawk kollha dilettanti tal-Hillclimb huma preparati biex fi tmiem il-Ġimgħa jaqsmu lejn Għawdex biex isegwu it-tielet round tal-kampjonat Enemed Hillclimb Championship li qiegħed jiġi organizzat mill-Island…

Aktar