Motorsport
Moto GP – Jorge Lorenzo jirbaħ fl-Italja

L-Ispanjol Jorge Lorenzo fuq Ducati rebaħ il-Grand prix tal-Italja li sar fil-Mugello u li kien is-sitt grand prix tal-istaġun. Lorenzo mar fuq quddiem fil-bidu tat-tellieqa u ddomina dan il-Grand prix u rebaħ f’ħin ta’ 41 minuta, tlieta u erbgħin sekonda punt tnejn tlieta żero.
Fit-tieni post daħal Andrea Dovizioso ukoll fuq Ducati, distakkat bi kważi sitt sekondi mir-rebbieħ. Valentino Rossi li beda mill-pole wara nuqqas ta’ kważi sentejn kellu jikkuntenta bit-tielet pożizzjoni.
Il-leader tal-klassifika Marc Marquez waqa’ fil-bidu tat-tellieqa, u minkejja li hu xorta waħda kompla bit-tellieqa, seta’ biss jispiċċż fis-sittax il-pożizzjoni.

Fil-klassifika ġenerali tas-sewwieqa, Marc Marquez għadu fl-ewwel post b’ 95 punt, segwit minn Valentino Rossi li għandu 72 punt. Maverick Vinales jinsab fit-tielet pożizzjoni b’total ta’ 67 punt, filwaqt li Andrea Dovizioso jinsab fir-raba’ post b’66 punt. Bir-rebħa tal-lum Jorge Lorenzo tela’ fl-għaxar pożizzjoni b’41 punt.
Fil-klassifika tal-kostrutturi Honda jinsabu fl-ewwel post b’130 punt, segwiti minn Yamah b’108 u minn Ducati b’107.
Fil-kategoriji l-oħra l-Ispanjol Jorge Martin fuq Honda rebaħ il-kategorija Moto 3, u l-Portugiz Miguel Oliveira fuq mutur KTM rebah il-kategorija Moto 2.
Il-Moto GP jirritorna ġimgħatejn oħra bil-Grand Prix tal-Katalunja.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Motorsport

Għadha s-Sibt 19 ta’ Jannar, il-Malta Drag Racing Association, bl-għajnuna ta’ diversi clubs oħra tal-karozzi, fosthom it-360 Motorsport, l-Island Car Club u l-Malta Classic se jorganizzaw il-finali tal-pursuit bil-għan li…

Motorsport

Il-Qatari Nasser Al-Attiyah rebaħ id-Dakar Rally għat-tielet darba fil-karriera tiegħu, meta rnexxielu jispiċċa 46 minuta vantaġġ fil-quċċata tal-klassifika tal-karozzi, filwaqt li l-Awstraljan Toby Price rebaħ il-kategorija tal-muturi. L-għaxar u l-aħħar…

Motorsport

Nasser Al-Attiyah kważi huwa ċert 100% li ser jirbaħ l-edizzjoni tad-Dakar Rally ta’ din is-sena wara li fid-disa’ stadju, l-avversarju tiegħu Stéphane Peterhansel ra l-ħolma tiegħu ttir mar-riħ tad-deżert tal-Peru…

Motorsport

L-Awstraljan Ricky Brabec ra l-ħolma tiegħu tgħib fir-ramel meta problemi fil-makna tal-mutur tiegħu ġegħluh jirtira għat-tieni sena konsekuttiva. Min-naħa l-oħra, tmien stadju mill-aqwa għall-Awstraljan Toby Price li fuq il-KTM irnexxielu…

Aktar