Motorsport
Moto GP: L-Ispanjol Marc Marquez jingħata l-Midalja tar-rebħ tal-kampjonat mondjali 2019

Moto GP: L-Ispanjol Marc Marquez ingħata l-Midalja tar-rebħ tal-kampjonat mondjali 2019 f’ċerimonja li saret f’Valencia fi Spanja.

Ftit sigħat wara li Marquez rebaħ it-tnax-il tellieqa tal-istaġun, hu kien mistieden jitla’ fuq il-palk biex jirċievi l-midalja mingħand il-Federazzjoni Internazzjonali tal-motoċikliżmu.

Jorge Viegas, President tal-Assoċjazzjoni, tah din il-midalja.

Is-sewwieq ta’ 26 sena rebaħ is-sitt titlu mondjali fil-karriera u temm fil-quċċata tal-klassifika b’420 punt.

Miktub minn...
TVM Sport