Motorsport
Moto GP: Marc Marquez jittieħed l-isptar waqt l-ewwel provi liberi fit-Tajlandja

Is-sewwieq Spanjol Marc Marquez kellu jittieħed l-isptar wara li ħabat bil-mutur fuq iċ-ċirkwit ta’ Buriram. Marquez kien qiegħed idur waqt l-ewwel provi liberi, meta ħabat u deher evidenti li weġġa’ b’dan l-inċident. Fil-fatt, għal ftit minuti, Marquez baqa’ għarkupptejh sakemm irnexxielu jqum u mexa jzappap lejn l-ambulanza li ħaditu fiċ-ċentru mediku taċ-ċirkwit.

Minn filmati u ritratti li ħarġu aktar tard, Marquez deher fuq stretcher barra ċ-ċentru mediku taċ-ċirkwit, qabel ma ġie mtella’ f’ambulanza li ħaditu fi sptar lokali. Jidher li l-isptar qegħdin isirlu aktar testijiet sabiex ikun ċert li s-sewwieq Spanjol ma ġralu xejn, wara li t-testijiet preliminari kienu sodisfaċenti. Mill-informazzjoni li bdiet ħierġa, Marquez beda jgħid li għandu uġigħ f’siequ x-xellugija u f’dahru.

Marc Marquez fil-preżent jinsab fil-quċċata tal-klassifika tas-sewwieqa fil-Moto GP u fadallu bżonn 27 punt biex ikun iddikjarat rebbieħ għal staġun ieħor, is-sitt wieħed fil-karriera tiegħu. Il-Grand Prix tat-Tajlandja jista’ jkun il-mument fejn fih Marquez ikun iddikjarat rebbieħ jekk kemm-il darba jirnexxielu jġib żewġ punti aktar minn Dovizioso fit-tellieqa tal-Ħadd.

S’issa għadu mhuwiex magħruf jekk Marquez huwiex ser itellaq jew le, bit-tim tal-Honda jinsabu fuq ix-xwiek jistennew ir-riżultati mediċi għaliex jekk l-Ispanjol jispiċċa ma jtellaqx, allura ċ-ċans tagħhom li jirbħu l-kampjonat tal-kostrutturi jsir aktar diffiċli, meta kemm id-Ducati u anke l-Yamaha għadhom b’ċans tajjeb li jirbħu l-kampjonat huma.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Motorsport

Is-sewwieq Valentino Rossi ser jiddeċiedi din is-sena jekk ikomplix jikkompeti fil-Moto GP jew le. Rossi ħabbar dan wara li t-tim tal-Yamaha ħabbru li ffirmaw liż-żagħżugħ Franċiż Fabio Quartararo mis-sena 2021….

Motorsport

Motorsport: Sar il-funeral tar-rider tal-muturi Paulo Goncalves li miet wara inċident fatali waqt l-edizzjoni ta’ din is-sena tad-Dakar Rally. Il-Funeral ta’ Goncalves li kellu 40 sena sar f’Gemeses il-Portugal illum….

Motorsport

Adrian Figallo, uffiċjal tal-Federazzjoni Maltija tal-Motorsport ser jiġġudika l-erba ‘rawnds tal-Kampjonat Taljan tad-Drifting ta din is-sena. Il-Kampjonat Taljan tad-Drifting 2020 tnieda x-xahar li għadda f’Parma. Din l-edizzjoni se tkun ferm…

Motorsport

L-Ispanjol Carlos Sainz sar Champion tar-Rally ta’ Dakar għat-tielet darba fil-karriera fl-età ta’ 57 sena. L-Amerikan Ricky Brabec rebaħ il-kategorija tal-muturi fuq il-Honda biex temm dominja ta’ 18-il sena li…

Aktar