Sports Internazzjonali
MotoGP – Lorenzo jirbaħ fil-Katalunja

L-Ispanjol Jorge Lorenzo rebaħ it-tieni Moto GP tiegħu wara xulxin f’dan l-istaġun, fil-Grand Prix ta’ pajjiżu, fil-Katalunja. Iċ-ċampjin renjanti u l-leader tal-klassifika s’issa, Marc Marquez, daħal it-tieni, bit-Taljan Valentino Rossi fuq il-Yamaha jidħol it-tielet.

Mal-ftuħ tat-tellieqa Lorenzo waqa’ fit-tielet post, b’Marquez u Iannone jmorru fuq quddiem. Biss aktar kemm għadda l-ħin, l-Ispanjol qabad ir-ritmu u qabiżhom it-tnejn li huma biex ħareġ rebbieħ b’4.479 sekondi quddiem il-kompatrijott Marquez. Min-naħa tiegħu, Andrea Dovizioso, spiċċa kraxxja fit-tellieqa u kellu jieqaf, fi staġun li xejn ma beda tajjeb għalih.

Din kienet tellieqa fejn ħafna sewwieqa spiċċaw kraxxjaw, tant li kienu biss 14-il sewwieq li rnexxielhom jispiċċaw il-Grand Prix, tant li kulmin temm it-tellieqa spiċċa ħa l-punti.

Għalkemm spiċċa fit-tieni post, Marquez xorta saħħaħ il-vantaġġ tiegħu fil-quċċata tal-klassifika, fejn issa għandu 115-il punt, 27 aktar minn Valentino Rossi li jinsab it-tieni fil-klassifika.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Lewis Hamilton kellu rebħa kbira fil-Grand Prix ta’ Hockenheim fil-Ġermanja fejn taħt xita kontinwa rnexxielhu jtemm fl-ewwel f’dan iċ-ċirkwit hekk kif Sebastian Vettel fuq Ferrari waqaf wara inċident bil-karozza. B’din…

Formula 1

Sebastian Vettel fuq il-karozza Ferrari għamel l-aħjar ħin fil-provi uffiċjali tal-lum u se jkun qed jitlaq mill-Pole Position tal-Grand Prix ta’ għada f’Hockenheim fil-Ġermanja. Vettel iddomina dawn il-provi uffiċjali bil-kontra…

Formula 1

Wara li lbieraħ kien ikkonfermat li Lewis Hamilton iffirma kuntratt ġdid mal-Mercedes sal-2020, illum ħarġet l-aħbar li s-sewwieq l-ieħor Valtteri Bottas iffirma kuntratt ta’ sena oħra mal-Mercedes. Mercedes, bħalissa jinsabu…

Formula 1

Lewis Hamilton, is-sewwieq tal-Formula 1 ta’ Mercedes, iffirma kuntratt ġdid ta’ sentejn sal-2020 li bih se jkun qed idaħħal mad-€90,000,000 netti. Hamilton rebaħ 4 darbiet il-kampjonat mondjali tal-Formula 1, tlieta…

Aktar