Motorsport
Motorsport: 111 Off-Road Racing Team jispiċċa fid-9 post fi Franza

Fi tmiem il-Ġimgħa, 111 Off-Road Racing Team magħmul minn Rudy Farrugia bħala Sewwieq u Malcolm Paul Gauci bħala navigatur megħjuna minn Maurice Farrugia, Mark Zahra, David Farrugia, Daniel Grupetta, Stefan Borg Grech, Lana Debono u Shaun Caruana ikkompetew kontra 21 kompetitur minn madwar id-dinja fl-Avveniment ta Ultra 4 Europe, King Of France 2019.

Waqt il-kwalifikazzjoni tal-Ġimgħa, wara ħsara konsiderevoli u ħafna tiswijiet it-tim ma spiċċax it-tellieqa u kellhom jabbandunaw it-tellieqa ftit metri ‘l bogħod mil-linja tat-tmiem u spiċċaw fil-21 post.

Is-Sibt it-tim kellu jibda mill-aħħar post, wara 21 vettura u korsa kemmxejn dejqa. Madankollu, bis-sospensjoni bil-ħsara mill-aċċident tal-Ġimgħa, baqa javvanza. Wara inċident ieħor, il-buggy spiċċat fuq is-saqaf, qalb is-siġar go kanal. Bi ħsara mill-Ġimgħa u l-inċident tas-Sibt, xorta spiċċaw fl-10 post mill-21.

Il-Ħadd kien jum ħieles mill-aċċidenti, it-tim avvanza pożizzjoni oħra u spiċċa l-avveniment fid-9 post.

111 Off-Road Racing Team huwa mistenni li jikkompeti fil-Kampjonat kollhu tal-Ultra 4 Europe u għalhekk it-tappa li jmiss hija King of Britain fl-20 ta’ Lulju.

Miktub minn...
TVM Sport
Aħbarijiet Oħra
Motorsport

Il-McLaren Group ħabbru li ser inaqqsu mal-1,200 impjieg bil-proposti l-ġodda ta’ ristrutturar fil-kumpanija. Dan ir-ristrutturar ser isir biex jiġġieled l-impatt tal-imxija tal-Covid-19, bil-McLaren mal-ewwel kienu ħabbru li ser tkun diffiċli…

Motorsport

Għat-tieni ġimgħa konsekuttiva saru t-tlielaq tan-NASCAR, filwaqt li l-Formula 1 u l-IndyCar għadhom jittewwbu u jistennew sabiex jibdew l-istaġuni tagħhom. F’Darlington saru żewġ itlielaq relatati mat-tazza kif ukoll tlielaq oħra,…

Motorsport

Wara xahrejn mingħajr ma jsuqu mutur, l-aħwa Marc u Alex Marquez irritornaw fis-Circuit El Bosquet, f’Ponts fi Spanja sabiex jibdew jitħarrġu għall-istaġun il-ġdid tal-Moto GP li mistenni jibda f’Lulju. Wara…

Motorsport

L-organizzaturi ta’ le Mans qed jippjanaw biex jorganizzaw l-ikbar tellieqa virtwali fid-dinja tal-endurance f’Ġunju li ġej wara li ġew sfurzati jipposponu l-edizzjoni reali ta’ din is-sena għal Settembru minħabba l-COVID-19….

Aktar