Motorsport
Motorsport: Attività kbira mid-dilettanti tal-karozzi għall-benefiċenza

Fil-31 ta Marzu ġewwa t-trakka tal-kwart ta’ mil f’Hal Far, għal darb’oħra ser jitaqgħu d-dilettanti tal-karozzi b’għan nobli. Din id-darba se tkun bil-għan li jinġabru fondi għaċ-Ċentru tal-Awtiżmu Malti li hemm fil-Mosta.

L-attività qed tiġi organizzata minn Mario Mifsud, promotur tal-motorsport għal-diversi snin.

L-attività hi miftuħa kemm għall-klabbs tal-karozzi, kompettitivi u sportivi, u kemm għal dawk li jtellgħu biss wirjiet statiċi, kif ukoll għal individwi li huma dilettanti pero m’humiex membri ta’ klabb.

Apparti wirjiet statiċi, Go Karts, Drifting, wirjiet ta saħħa minn Tony Farrugia u Paul Grima magħruf bħalha Mr. Cool u għal-ewwel darba ġewwa Malta, Burnout Competition li ser tkun sponsorjata minn Fueltech.

Is-sewwieqa tal-assoċjazzjoni Maltija tad-Drifting, u tal-Land Rover Owners Club Malta se jkunu qed joffru rikbiet fil-vetturi tagħhom biex wieħed ikun jista’ jesperjenza l-isport rispettivi.

L-attività se ssir kollha fit-trakka tal-kwart ta’ mil tal-assoċjazzjoni Maltija għad-Drag Racing ġewwa Ħal Far fil-31 ta Marzu bejn it-8.00am u l-4.00pm bil-ġbir kollu jmur għaċ-Ċentru tal-Awtiżmu fil-Mosta.

L-attività hi miftuħa għall-familja kollha u l-pubbliku qiegħed ikun imħeġġeġ jattendi.

Miktub minn...
TVM Sport
Aħbarijiet Oħra
Motorsport

Moto GP: Fil-Grand Prix ta’ Silverstone illum kien is-sewwieq fuq mutur Suzuki Alex Rins li għadda fl-aħħar metri liċ- Champion renjanti Marc Marquez sabiex rebaħ Grand Prix mill-isbaħ. Is-sewwieq Andrea…

Motorsport

Is-sewwieq mill-Estonja Ott Tanak rebaħ ir-Rally tal-Ġermanja sabiex għaqqad tliet suċċessi konsekuttivi bit-Toyota tiegħu. Is-sewwieq l-ieħor tat-team Toyota Kris Meeke tal-Irlanda ta’ Fuq u l-Finldandiż Jari-Matti Latvala spiċċaw fit-tieni u…

Motorsport

Is-Sibt 27 ta’ Lulju, fil-kumpless Badger Karting f’Ta Qali, il-Karting Club Malta organizza ir-raba’ rawnd tal-kampjonat nazzjonali tal-karting sponsorjat minn Bupa. Il-fuq minn għoxrin sewwieq ikkompetew f’dan l-avveniment li sar…

Aktar