Motorsport
Motorsport: Gianluca Dingli jikkompeti fit-tielet rawnd tal-kampjonat Rok Cup Italia tal-karting

Is-sewwieq tal-karting Gianluca Dingli irritorna minn Lonato fejn il-Ħadd li għadda kkompeta fit-tielet rawnd tal-kampjonat Rok Cup Italia.

Dingli kkompeta fil-klassi Super Rok li kienet tikkonsisti minn 14 il-sewwieq minn pajjiżi differenti, l-Italja, l-Iżvizzera, Monaco, Andorra.

Dingli li kien l-unika Malti u saq mat-tim Taljan Valtex Racing Team.

Waqt il-provi Dingli spiċċa fit-12 il-post, filwaqt li aktar tard avvanza 4 postijiet u spiċċa fit-8 post.

Fl-ewwel tellieqa uffiċjali reġa’ avvanza erba’ postijiet oħra biex spiċċa fir-raba’ post.

Fl-aħħar tellieqa tal-ġurnata, Dingli fuq kart numru 308 tilef 3 postijiet u b’hekk spiċċa fis-7 post.

Fil-jiem li ġejjin Gianluca Dingli ser jkun qiegħed jirritorna ġewwa l-Italja għal-aktar taħriġ qabel jikkompeti fil-finali tal-karting għad-9 darba.

Miktub minn...
TVM Sport