Motorsport
Motorsport: Il-Malta Drag Racing Association se torganizza l-ħames u l-aħħar rawnd tal-Kampjonat Nazzjonali Enemed

Bejn l-14 u s-17 ta’ Novembru, il-Malta Drag Racing Association se torganizza l-ħames u l-aħħar rawnd tal-Kampjonat Nazzjonali Enemed Drag Racing fit-trakka ta’ Ħal Far.

Aktar minn 120 kompetitur, inklużi sitt timijiet barranin, se jkunu qed jikkompetu bil-karozzi, dragsters, u muturi tagħhom f’diversi klassijiet.

Malta u l-Ġermanja se jkunu f’kompetizzjoni diretta fil-klassi Top Alcohol Dragster. Malta se tkun rappreżentata mit-timijiet ta’ Mr. Whippy u ta’ Galletta, filwaqt li l-Ġermaniżi bagħtu t-tim bl-isem ta’ Silvio Strauch,  li jismu Engine Gost Dragracing Team.

L-aktar taqtiegħa ħarxa u l-eqdem taqtiegħa se tkun ġejja mill-klassi Escort fejn karozzi preparati, kważi identiċi fil-potenza tal-magna u l-piż tal-karozza, u kollox jiddependi mir-reazzjonijiet ta’ malajr tas-sewwieqa kif fuq id-dawl u billi juża l-qawwa kollha disponibbli.

Għal drab’oħra se nerġgħu naraw lil Duncan Micallef bil-Casafini Top Alcohol Dragster jipprova jikser rekord li bih it-trakka Maltija tidħol ma’ dawk ta’ taħt l-4 sekondi.

Kemm it-tribuna minn fejn wieħed jista’ jsegwi t-tiġrijiet, u kemm il-paddock jipprovdu esperjenza unika għal kull min iżurhom.

Fil-paddock wieħed jista’ jara u jiltaqa’ ma’ mekkaniks, tekniċi, assistenti u sewwieqa nervużi jippreparaw il-karozzi u l-muturi tagħhom.

Il-bibien għall-viżitaturi jinfetħu mill-10.00am ‘il quddiem u l-ispettaklu jkun adattat għall-familja kollha.

Miktub minn...
TVM Sport
Aħbarijiet Oħra
Motorsport

Is-sewwieq Valentino Rossi ser jiddeċiedi din is-sena jekk ikomplix jikkompeti fil-Moto GP jew le. Rossi ħabbar dan wara li t-tim tal-Yamaha ħabbru li ffirmaw liż-żagħżugħ Franċiż Fabio Quartararo mis-sena 2021….

Motorsport

Motorsport: Sar il-funeral tar-rider tal-muturi Paulo Goncalves li miet wara inċident fatali waqt l-edizzjoni ta’ din is-sena tad-Dakar Rally. Il-Funeral ta’ Goncalves li kellu 40 sena sar f’Gemeses il-Portugal illum….

Motorsport

Adrian Figallo, uffiċjal tal-Federazzjoni Maltija tal-Motorsport ser jiġġudika l-erba ‘rawnds tal-Kampjonat Taljan tad-Drifting ta din is-sena. Il-Kampjonat Taljan tad-Drifting 2020 tnieda x-xahar li għadda f’Parma. Din l-edizzjoni se tkun ferm…

Motorsport

L-Ispanjol Carlos Sainz sar Champion tar-Rally ta’ Dakar għat-tielet darba fil-karriera fl-età ta’ 57 sena. L-Amerikan Ricky Brabec rebaħ il-kategorija tal-muturi fuq il-Honda biex temm dominja ta’ 18-il sena li…

Aktar