Motorsport
Motorsport: Illejla jingħata bidu għall-kampjonat tad-drag racing

Illejla fit-trakka tal-Assoċjazzjoni Maltija tad-Drag Racing f’Ħal Far, jew kif inhi magħrufa ‘it-trakka tal-kwart ta’ mil’, jingħata bidu għat-tielet rawnd tal-kampjonat nazzjonali.

Bħalma hi d-drawwa, dan ir-rawnd isir filgħaxija u b’hekk joffri spettaklu ferm differenti mill-erba’ rawnds l-oħra tal-istess kampjonat.

F’dan ir-rawnd hemm aktar minn 50 karozza li se jiehdu sehem, fosthom ser naraw ir-ritorn ta’ Borg Brothers li kienu ferm popolari f’Ħal Far fis-snin ’90 kif ukoll erba’ karozzi li ġew apposta mill-Greċja.

Fost l-erba’ karozzi Griegi hemm ukoll il-Mitsubishi Evolution li kienet f’Malta għall-istess rawnd is-sena l-oħra. Dakinhar is-sewwieq Grieg, wara xi diffikultajiet, irnexxielu jilħaq l-iskop li kien gie għalih f’pajjizna meta kiser rekord mondjali bil-Mitsubishi Evolution b’ħin ta’ 7.884 sekondi.

Il-Kampjonat isir bejn illejla u s-Sibt 21 ta Lulju mis-6.00pm ‘il quddiem.

It-tlielaq kollha huma miftuħa għall-pubbliku.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Motorsport

Il-weekend li għadda sar it-Thrustmaster GT Tournament fl-MFCC Ta’ Qali waqt il-Go Malta Esports Festival 2018. Kien hemm ‘il fuq minn 25 xufier li ħadu sehem f’dan it-tournament. Il-Ġimgħa kulħadd…

Aktar