Motorsport
Motorsport: Jirritorna r-rally tas-supercars u l-hipercars

Cars Unlimited Malta se tkun qed tospita t-tieni edizzjoni tal-avveniment imsejjaħ Cars Unlimited & Coffee il-Ħadd 19 ta’ Mejju 2019. Matul din l-edizzjoni, il-parteċipanti se jaqsmu s-sewqan u l-passjoni tal-karozzi tagħhom ma’ grupp ta ‘dilettanti.

L-avveniment ser jibda mil-Café del Mar fil-Qawra għad-9: 00 u jaqbad rotta lejn Smart City fil-Kalkara għal wirja statika tal-karozzi bejn il-11: 00 u l-14: 00.

Il-karozzi murija jinkludu firxa ta’ marki tal-karozzi l-aktar prestiġjużi u famużi fid-dinja bħall Ferrari, Porsche, Lamborghini, Mercedes, Aston Martin, Jaguar, Bentley, Maserati, McLaren, Corvette, Audi, Chevrolet, Ford, Nissan u BMW.

L-ewwel edizzjoni tal-avveniment Cars Unlimited & Coffee kien organizzat mit-tim ta’ Cars Unlimited is-sena li għaddiet.

Il-parteċipanti kollha huma ħerqana għall-edizzjoni ta ‘din is-sena peress li tippermetti laqgħa li tgħaqqad il-ħbiberija u l-passjoni għas-sewqan,” qal James Zammit, CEO ta’ Cars Unlimited Malta.

Il-qligħ kollu minn dan l-avveniment se jingħata lil Puttinu Cares.

Miktub minn...
TVM Sport