Motorsport
Motorsport: Organizzat il-ħames u l-aħħar rawnd tal-kampjonat Enemed National Hillclimb

Il-Ħadd 8 ta’ Diċembru ġie organizzat il-ħames u l-aħħar rawnd tal-kampjonat Enemed National Hillclimb Championship, organizzat mill-Island Car Club ġewwa it-telgħa tal-Imtaħleb, limiti tar-Rabat.

Il-kampjonat tal-hillclimb u l-ICC, il-klabb li jorganizzah għandhom l-itwal storja fil-motorsport ta’ pajjiżna.

Madwar 30 karozza ikkompetew fid-diversi klassijiet tal-kampjonat. Charles Cutajar fuq Escort Mk1 rebaħ il-klassi Rear Wheel Drive, Didier Bugeja fuq Peugeot 106 rebaħ il-klassi Front Wheel Drive.

Fuq karozzi formula fit-tielet post spiċċa Mauro Portelli, fit-tieni post spicca Darren Camilleri u Fabio Baldacchino fl-ewwel post b’ħin ta 61.31 sekonda.

Spikkat il-prestazzjoni tas-sewwieq żgħażugħ Nicky Gauci li ġħalkemm diġa ġħandu warajħ karriera fil-go karts mar tajjeb ħafna fl-ewwel esperjenza tiegħu fil-hillclimb.

Gauci spiċċa fit-ħames post u tlieta mill-erbgħa kompetituri li ġew qablu kellhom magni b’aktar potenza.

Miktub minn...
TVM Sport